देवाचे वचन खऱ्‍या ख्रिश्‍चनांना असा सल्ला देते: “तर मग देवाची प्रिय मुले ह्‍या नात्याने तुम्ही त्याचे अनुकरण करणारे व्हा.” (इफिसकर ५:१) देवाला आपल्या उपासकांमध्ये कमालीचा भरवसा आहे हे वरील वचनांतील शब्दांवरून दिसून येते. कसे काय? यहोवा देवाने मनुष्याला आपल्या प्रतिरुपाचा व आपल्याशी सदृश असे निर्माण केले. (उत्पत्ति १:२६, २७) त्यामुळे देवाने मानवाला त्याच्यासारख्याच गुणांसहित बनवले.a म्हणून बायबल जेव्हा ख्रिश्‍चनांना, ‘देवाचे अनुकरण करणारे व्हा’ असे आर्जवते तेव्हा जणू काय यहोवा देव स्वतः त्यांना म्हणतो: ‘मला तुमच्यावर विश्‍वास आहे. तुम्ही अपरिपूर्ण असूनही मी संतुष्ट होईन इतपत चांगले गुण अंगी बाणवण्याची क्षमता तुमच्यात आहे.’