वैवाहिक योजनेबाबत तुच्छता दाखविणाऱ्‍यांकडे यहोवा सौम्यपणे पाहात नाही. देवाच्या नियमांना डावलून लावून यहुदातील पुरुषांनी विदेशी बायका केल्या. (अनुवाद ७:३, ४) त्यांनी आपल्या तारुण्यातील स्त्रियांना घटस्फोट देऊन त्यांचा विश्‍वासघात केला. यहोवा ‘सूटपत्राचा द्वेष करतो,’ असा मलाखी इशारा देतो.—२:१०-१७.

● २:१३—पुष्कळ यहुदी पती त्यांच्या तारुण्यातील पत्नीला, कदाचित विदेशी तरुणीसोबत विवाह संपादता यावा याकरता सूटपत्र देत. यहोवाची वेदी जणू अश्रूंनी झाकली होती—स्पष्टपणे ते देवापुढे मंदिरात त्यांचे दुःख सांगण्यात आलेल्या त्या सोडलेल्या स्त्रियांचे होते.—मलाखी २:११, १४, १६.