• मंडळीची एकता जपण्याचा नेहमी प्रयत्न करा
    कायम जीवनाचा आनंद घ्या!—देवाकडून शिकू या

    • ३. तुमचे एखाद्या भावासोबत किंवा बहिणीसोबत मतभेद झाले असतील तर तुम्ही काय कराल?

      आपण सर्व जण एकतेने आणि प्रेमाने राहतो. पण असं असलं तरी आपण सगळेच अपरिपूर्ण आहोत. त्यामुळे कधीकधी आपण एकमेकांचं मन दुखावतो. म्हणूनच देवाचं वचन आपल्याला सांगतं: “एकमेकांना मोठ्या मनाने क्षमा करत जा.” आणि पुढे ते असंही म्हणतं: “यहोवाने जशी तुम्हाला मोठ्या मनाने क्षमा केली, तशी तुम्हीही करा.” (कलस्सैकर ३:१३ वाचा.) आपण कितीतरी वेळा यहोवाचं मन दुखावतो, पण तरी तो आपल्याला क्षमा करतो. आणि म्हणून तो अपेक्षा करतो की आपणसुद्धा आपल्या भाऊबहिणींना क्षमा करावी. जर तुमच्याकडून कोणाचं मन दुखावलंय हे तुमच्या लक्षात आलं, तर त्यांच्याशी समेट करण्यासाठी स्वतः पुढाकार घ्या.—मत्तय ५:२३, २४ वाचा.b