• तुम्ही समर्पण करून बाप्तिस्मा घेणं का महत्त्वाचं आहे?
    कायम जीवनाचा आनंद घ्या!—देवाकडून शिकू या

    • २. बाप्तिस्मा घेतलेल्या आपल्या सेवकांना यहोवा कोणते आशीर्वाद देतो?

      तुम्ही बाप्तिस्मा घ्याल तेव्हा तुम्ही यहोवाच्या आनंदी कुटुंबाचे सदस्य बनाल. मग तुम्ही बऱ्‍याच मार्गांनी यहोवाचं प्रेम अनुभवाल आणि त्याच्या आणखी जवळ याल. (मलाखी ३:१६-१८ वाचा.) तुम्हाला यहोवाचं पित्यासारखं प्रेम अनुभवता येईल. यासोबतच, त्याच्यावर प्रेम करणारे जगभरातले तुमचे भाऊबहीणसुद्धा तुमच्यावर प्रेम करतील. (मार्क १०:२९, ३० वाचा.) पण बाप्तिस्मा घेण्याआधी तुम्ही काही पावलं उचलली पाहिजेत. तुम्ही यहोवाबद्दल शिकून घेतलं पाहिजे, त्याच्यावर प्रेम केलं पाहिजे आणि त्याच्या मुलावर विश्‍वास ठेवला पाहिजे. यानंतर तुम्ही यहोवाला तुमचं जीवन समर्पित केलं पाहिजे. जर तुम्ही ही सगळी पावलं उचलून बाप्तिस्मा घेतला, तर कायम जीवनाचा आनंद घेण्याची तुमची आशा आणखी पक्की होईल. कारण देवाचं वचन सांगतं की ‘बाप्तिस्मा आपल्याला वाचवतो.’—१ पेत्र ३:२१.