येशू खूपच थकलेला आहे. त्यामुळे जेव्हा होडी निघाली तेव्हा येशू होडीच्या मागील बाजूस जाऊन एक उशी घेऊन पडतो. तो लगेच गाढ झोपी जातो. होडीत बसलेले बहुतेक प्रेषित चांगले नावाडी आहेत; कारण हे पूर्वी याच गालील समुद्रात मासेमारीसाठी आपल्या होड्या आणीत. या कारणास्तव हे नावाडी आता ती होडी वल्हवीत आहेत.

पण हा कधीकधी मजेशीर प्रवास होत नसतो. कारण समुद्र सपाटीपासून ७०० फूट (२१० मीटर) खाली असणाऱ्‍या या मोठ्या सरोवराच्या पृष्ठभागावरील उबदार वातावरण आणि जवळच्या डोंगरावर असलेली थंड हवा यामुळे जोराचे वारे सुरु होतात आणि या सरोवरात मोठे वादळ उठते. हेच आता सुद्धा घडते. आता लाटा होडीवर उसळत आहेत व त्या आत येत आहेत. लवकरच ती होडी बुडेल की काय असे दिसू लागते. तरीपण येशू मात्र अजूनही गाढ झोपेत आहे!