“Jekk Jogħġobkom Aċċettaw ir-​Rigal Ċkejken Tiegħi”

DAN il-​kliem ġie miktub f’ittra li ntbagħtet fl-​uffiċċju tal-​fergħa tax-​Xhieda taʼ Ġeħova fir-​Russja. Maʼ din l-​ittra ntbagħtet kaxxa kbira mimlija kalzetti tas-​suf.

Dan ir-​rigal ġie mibgħut minn Annaa, waħda mix-​Xhieda taʼ Ġeħova li għandha 67 sena u li qed taqdi f’kongregazzjoni fil-​Lvant Imbiegħed tar-​Russja. Anna ilha taqdi lil Ġeħova għal iktar minn għaxar snin, billi tippriedka b’mod żeluż l-​aħbar tajba tas-​Saltna. Madankollu, Anna, bla mistenni tatha puplesija li ħallitilha parti minn ġisimha paralizzat. Però, imqanqla mill-​imħabba, Anna segwit il-​passi tal-​mara Kristjana taʼ l-​ewwel seklu bl-​isem taʼ Dorka, li kienet tagħmel l-​ilbiesi għal sħabha fit-​twemmin.​—Atti 9:​36, 39.

Fl-ittra tagħha, Anna kitbet: “Ma nistax inċaqlaq saqajja, imma għadni nistaʼ nċaqlaq idejja. Għalhekk jien nippriedka billi nikteb l-​ittri.” Hi żiedet tgħid: “Jien iddeċidejt li ladarba għadni nistaʼ nuża idejja, se naħdem xi ftit pari kalzetti li jsaħħnu. Nixtieq li dawn il-​kalzetti jingħataw lill-​aħwa rġiel u nisa li se jmorru jibnu s-​Swali tas-​Saltna f’postijiet kesħin, bħal fil-​Lvant Imbiegħed u fis-​Siberja.”

Rigward is-​segwaċi ġenwini tiegħu, Ġesù Kristu qal: “B’dan ikun jaf kulħadd li intom dixxipli tiegħi, jekk ikollkom l-​imħabba bejnietkom.” (Ġwanni 13:35) Imħabba bħal dik li wriet Anna hija marka li tidentifika d-​dixxipli veri taʼ Ġesù.

[Nota taʼ taħt]