Xi Jfisser li Tkun Newtrali?

Ġesù għallem lid-​dixxipli tiegħu biex ‘ma jkunux parti mid-​dinja.’ (Ġwanni 15:19) Dan ifisser li nkunu newtrali, jiġifieri li ma nżommu ma’ ħadd fil-​politika jew fil-​gwerer. Dan mhux dejjem ikun faċli. In-​nies jistgħu jidħqu bina għax nibqgħu newtrali. Imma kif nistgħu nibqgħu newtrali u leali lejn Ġeħova?

1. Il-​Kristjani veri x’jaħsbu dwar il-​gvernijiet?

Il-​Kristjani jirrispettaw il-​gvernijiet. Bħalma qal Ġesù, aħna ‘nagħtu lura lil Ċesari dak li hu taʼ Ċesari.’ Dan ifisser li aħna nobdu l-​liġijiet tal-​pajjiż, bħal li nħallsu t-​taxxi. (Marku 12:17) Il-​Bibbja tgħidilna li l-​gvernijiet qed imexxu għax Ġeħova jħallihom. (Rumani 13:1) Allura nifhmu li l-​gvernijiet għandhom inqas awtorità minn Alla. Aħna nafdaw f’Alla u fis-​Saltna tiegħu biex isolvu l-​problemi li hawn fuq l-​art.

2. Kif nistgħu nuru li aħna newtrali?

Bħal Ġesù, aħna ma nindaħlux fil-​politika. Meta n-​nies raw lil Ġesù jagħmel il-​mirakli, huma pprovaw jagħmluh sultan. Imma hu ma ħallihomx. (Ġwanni 6:​15) Għala? Għax iktar tard hu qal, “is-​saltna tiegħi mhix parti minn din id-​dinja.” (Ġwanni 18:36) Bħad-​dixxipli taʼ Ġesù, għandna ħafna modi kif nistgħu nuru li aħna newtrali. Pereżempju ma niġġildux fil-​gwerer. (Aqra Mikea 4:3.) Aħna nirrispettaw l-​affarijiet tal-​pajjiż, bħall-​bandiera, imma ma nagħtuhomx l-​istess rispett li nagħtu lil Alla. (1 Ġwanni 5:​21) Aħna ma nżommux ma’ xi partit politiku u lanqas nitkellmu kontrihom. Dawn huma xi ftit modi kif nuru li aħna leali biss lejn il-​gvern t’Alla, jiġifieri s-​Saltna tiegħu.

TGĦALLEM IŻJED

3. Il-​Kristjani veri jibqgħu newtrali

Ġesù u d-​dixxipli tiegħu huma eżempju tajjeb għalina. Aqra Rumani 13:​1, 5-​7 u l-​1 Pietru 2:​13, 14. Imbagħad, ara l-​VIDJOW u ddiskuti:

VIDJOW: Il-​Kristjani Veri Jibqgħu Newtrali​—L-​1 Parti (4:​28)

• Għala għandna nirrispettaw il-​gvernijiet?

• Kif nistgħu nkunu sottomessi lejhom, jiġifieri nobduhom?

Fi gwerra, xi pajjiżi jgħidu li huma newtrali, imma jgħinu liż-​żewġ naħat. Allura xi jfisser li tkun newtrali? Aqra Ġwanni 17:16. Imbagħad, ara l-​VIDJOW u ddiskuti:

VIDJOW: Il-​Kristjani Veri Jibqgħu Newtrali​—It-​2 Parti (3:​11)

• Xi jfisser li tkun newtrali?

X’se tagħmel jekk il-​gvern jgħidlek biex tagħmel xi ħaġa li tmur kontra l-​liġi t’Alla? Aqra Atti 5:​28, 29. Imbagħad, ara l-​VIDJOW u ddiskuti:

VIDJOW: Il-​Kristjani Veri Jibqgħu Newtrali​—It-​3 Parti (1:​18)

• Jekk il-​liġi tal-​gvern ma tkunx taqbel mal-​liġi t’Alla, liema rridu nobdu?

• Tistaʼ taħseb f’xi sitwazzjonijiet fejn il-​Kristjani m’għandhomx jobdu mill-​gvern?

4. Uri li int newtrali b’dak li taħseb u tagħmel

Aqra l-​1 Ġwanni 5:​21. Imbagħad, ara l-​VIDJOW u ddiskuti:

VIDJOW: Għala l-​Kristjani veri għandhom bżonn il-​kuraġġ​—Biex jibqgħu newtrali (2:​49)

• Fil-​vidjow, Ayenge għala ddeċieda li ma jżommx maʼ partit politiku jew jieħu sehem f’affarijiet tal-​pajjiż, bħal li jsellem lill-​bandiera?

• Taħseb li dak li ddeċieda kien tajjeb?

Liema sitwazzjonijiet jistgħu juru jekk aħniex newtrali jew le? Ara l-​VIDJOW, u mbagħad iddiskuti:

VIDJOW: Lezzjonijiet minn It-​Torri tal-​Għassa​—Ibqgħu Newtrali f’Dinja Mifruda (5:​16)

• Kif tistaʼ tibqaʼ newtrali meta tara sports bejn pajjiżi differenti?

• Kif nistgħu nibqgħu newtrali anki meta niġu effettwati b’dak li jiddeċiedu l-​politikanti?

• Dak li nisimgħu fl-​aħbarijiet jew ma’ min nagħmluha, kif jistaʼ jeffettwa n-​newtralità tagħna?

XI DDISKUTEJNA?

Il-​Kristjani jagħmlu l-​aħjar li jistgħu biex b’dak li jaħsbu, jgħidu, u jagħmlu jibqgħu newtrali fil-​politika.

X’Tgħallimt

• Kif għandna nittrattaw lill-​gvernijiet u sa liema punt għandna nobduhom?

• Għala nibqgħu newtrali fil-​politika?

• Liema sitwazzjonijiet juru jekk aħniex newtrali jew le?

ARA IŻJED

X’jistaʼ jkollna bżonn nagħmlu biex nibqgħu newtrali?

Ġeħova Qatt Ma Ddiżappuntana (3:​14)

Il-​familji x’jistgħu jagħmlu minn qabel biex jibqgħu newtrali?

Nibqgħu newtrali f’okkażjonijiet pubbliċi (4:​25)

Għala l-​aħjar ħaġa li tistaʼ tagħmel mhijiex li tiddefendi l-​pajjiż tiegħek?

“Kollox Hu Possibbli Għal Alla” (5:​19)

Ara kif ma tkunx parti mid-​dinja meta tiddeċiedi dwar ix-​xogħol.

“Kull Wieħed Iġorr it-​Tagħbija Tiegħu” (It-​Torri tal-​Għassa, 15 taʼ Marzu 2006)

Xi darba jew oħra, in-​nies se jipprovaw iwaqqfuna milli naqdu lil Ġeħova. Huma anki lesti li jippersegwitawna. Dan ifisser li jġegħluna nbatu jekk inkomplu naqduh. Dan għandu jinkwetana?

1. Għala nistennew li se jippersegwitawna?

Il-​Bibbja tagħmilha ċara li “kulmin jixtieq jgħix bid-​devozzjoni lejn Alla fi sħubija maʼ Kristu Ġesù jkun persegwitat ukoll.” (2 Timotju 3:​12) Ġesù kien ippersegwitat għax ma kienx parti mid-​dinja taʼ Satana. Aħna wkoll m’aħniex parti mid-​dinja. Allura ma niħduhiex bi kbira li niġu ppersegwitati mill-​gvernijiet u organizzazzjonijiet reliġjużi.​—Ġwanni 15:​18, 19.

2. Kif nistgħu nkunu lesti għall-​persekuzzjoni?

Irridu nafdaw iżjed f’Ġeħova minn issa. Agħmel ċert li kuljum titolbu u taqra l-​Bibbja. Mur il-​laqgħat b’mod regolari. Dawn l-​affarijiet kollha se jtuk is-​saħħa biex tiffaċċja kull tip taʼ persekuzzjoni bil-​kuraġġ, anki jekk tiġi minn tal-​familja. L-​appostlu Pawlu kemm-​il darba ġie ppersegwitat. Hu kiteb: “Ġeħova hu dak li jgħinni; m’iniex se nibżaʼ.”​—Ebrej 13:6.

Aħna se jkollna iżjed kuraġġ meta nippritkaw b’mod regolari. Dan se jgħallimna biex nafdaw iżjed f’Ġeħova u ma nibżgħux min-​nies. (Proverbji 29:25) Jekk ikollok il-​kuraġġ biex tipprietka issa, int se tkun lest biex tibqaʼ tipprietka anki meta l-​gvernijiet jipprovaw iwaqqfuk.​—1 Tessalonikin 2:2.

3. Għala hu tajjeb li nissaportu l-​persekuzzjoni?

Ħadd ma jieħu pjaċir jiġi ppersegwitat. Imma meta jirnexxilna nissaportu l-​persekuzzjoni, il-​fidi tagħna se tissaħħaħ. Meta nħossuna li ma nistgħux nissaportu iżjed, se naraw kif Ġeħova se jgħinna. Imbagħad se nsiru iżjed ħbieb tiegħu. (Aqra Ġakbu 1:​2-​4.) Ġeħova jweġġaʼ meta jarana nbatu, imma jieħu pjaċir meta jarana nibqgħu leali lejh. Il-​Bibbja tgħid: “Jekk tissaportu meta tagħmlu t-​tajjeb u tbatu, din hi ħaġa li togħġob lil Alla.” (1 Pietru 2:​20) Jekk nibqgħu leali, Ġeħova se jtina ħajja taʼ dejjem fid-​dinja l-​ġdida. Imbagħad kull min se jgħix hemmhekk se jaqdi lil Ġeħova u ħadd mhu se jiġi ppersegwitat.​—Mattew 24:13.

TGĦALLEM IŻJED

4. Tistaʼ tissaporti meta tal-​familja jkunu kontrik

Ġesù kien jaf li tal-​familja forsi ma jkunux iriduna naqdu lil Ġeħova. Aqra Mattew 10:​34-​36, u mbagħad iddiskuti:

• X’jistgħu jagħmlu tal-​familja meta xi ħadd jiddeċiedi li jaqdi lil Ġeħova?

VIDJOW: Ġeħova laqagħna għandu (5:​13)

• Int x’tagħmel jekk xi ħadd minn tal-​familja jew ħabib jipprova jwaqqfek milli taqdi lil Ġeħova?

Aqra Salm 27:10 u Marku 10:​29, 30. Wara li taqra kull skrittura, iddiskuti:

• Din il-​wegħda kif se tgħinek meta xi ħadd minn tal-​familja jew xi ħbieb jipprovaw iwaqqfuk milli taqdi lil Ġeħova?

5. Ibqaʼ aqdi lil Ġeħova minkejja l-​persekuzzjoni

VIDJOW: Nuru l-​Kuraġġ Minkejja l-​Persekuzzjoni (6:​27)

• L-​eżempji f’dan il-​vidjow kif jagħmlulek il-​kuraġġ?

Aqra Atti 5:​27-​29 u Ebrej 10:​24, 25. Wara kull skrittura, iddiskuti:

• Għala hu importanti li nibqgħu naqdu lil Ġeħova anki meta l-​gvernijiet ma jħalluniex niltaqgħu flimkien jew nippritkaw?

6. Ġeħova se jgħinek tissaporti

VIDJOW: Alla Ġeħova Se Jsaħħaħni (3:​40)

• Fil-​vidjow, x’għen lil dawn l-​aħwa biex jissaportu?

Aqra Rumani 8:​35, 37-​39 u Filippin 4:​13. Wara li taqra kull skrittura, iddiskuti:

• Din l-​iskrittura kif tgħinek tkun ċert li tistaʼ tissaporti kull tip taʼ prova?

Aqra Mattew 5:​10-​12, u mbagħad iddiskuti:

• Għala tistaʼ tkun ferħan anki meta tiġi ppersegwitat?

XI DDISKUTEJNA?

Ġeħova japprezza l-​isforzi li nagħmlu meta naqduh minkejja l-​persekuzzjoni. Bl-​għajnuna tiegħu se jirnexxilna nissaportu!

X’Tgħallimt

• Il-​Kristjani għala għandhom jistennew li oħrajn ikunu kontrihom?

• X’tistaʼ tagħmel biex tkun lest għall-​persekuzzjoni?

• X’jistaʼ jgħinek tkun ċert li tistaʼ taqdi lil Ġeħova minkejja l-​provi?

ARA IŻJED

Ara żagħżugħ jispjega kif Ġeħova għenu jissaporti meta kien il-​ħabs minħabba n-​newtralità.

Nistabru Minkejja l-​Persekuzzjoni (2:​34)

Sir af x’għen lil koppja tibqaʼ taqdi lil Ġeħova għal ħafna snin minkejja l-​persekuzzjoni.

Naqdu lil Ġeħova matul żminijiet taʼ bidla (7:​11)

Tgħallem kif tkun kuraġġuż meta tiġi ppersegwitat.

“Ipprepara issa għall-​persekuzzjoni” (It-​Torri tal-​Għassa, Lulju 2019)

Kif għandna nħossuna meta tal-​familja jippersegwitawna? U x’nistgħu nagħmlu biex inżommu l-​paċi u nibqgħu leali lejn Ġeħova?

“Il-​verità ma ġġibx ‘il-​paċi, imma sejf’” (It-​Torri tal-​Għassa, Ottubru 2017)