1 Crónicas

2 Na̱yóʼo xi̱kuu na̱ se̱ʼe ta̱ Israel: ta̱ Rubén, ta̱ Simeón, ta̱ Leví, ta̱ Judá, ta̱ Isacar, ta̱ Zabulón, 2 ta̱ Dan, ta̱ José, ta̱ Benjamín, ta̱ Neftalí, ta̱ Gad xíʼin ta̱ Aser.

3 Na̱ se̱ʼe ta̱ Judá xi̱kuu ta̱ Er, ta̱ Onán xíʼin ta̱ Selá. U̱ni̱ saá na̱yóʼo xi̱kuu na̱ se̱ʼera na̱ ka̱ku xíʼin iin ñá cananea ñá xi̱kuu se̱ʼe ta̱ Súa. Soo kǒo níxikutóo Jehová ña̱ xi̱keʼé ta̱ Er, ta̱ xi̱kuu se̱ʼenu̱ú ta̱ Judá, ña̱kán xa̱ʼníra ta̱yóʼo. 4 Ta ka̱kutu se̱ʼe ta̱ Judá xíʼin xa̱nura ñá Tamar, na̱yóʼo xi̱kuu ta̱ Pérez xíʼin ta̱ Zérah. U̱ʼu̱n xi̱kuu na̱ se̱ʼe ta̱ Judá.

5 Na̱ se̱ʼe ta̱ Pérez xi̱kuu ta̱ Hezrón xíʼin ta̱ Hamul.

6 Na̱ se̱ʼe ta̱ Zérah xi̱kuu ta̱ Zimrí, ta̱ Etán, ta̱ Hemán, ta̱ Calcol xíʼin ta̱ Dará. U̱ʼu̱n xi̱kuuna.

7 Se̱ʼe ta̱ Carmí xi̱kuu ta̱ Acar,* ta̱yóʼo kúú ta̱ nda̱kiʼin ña̱ʼa ña̱ xi̱niñúʼu ndiʼi-xa̱ʼa̱, ña̱kán ki̱xi tu̱ndóʼo nu̱ú na̱ ñuu Israel.

8 Se̱ʼe ta̱ Etán xi̱kuu ta̱ Azarías.

9 Na̱ se̱ʼe ta̱ Hezrón xi̱kuu ta̱ Jerahmeel, ta̱ Ram xíʼin ta̱ Kelubái.*

10 Ta̱ Ram xi̱kuura yivá ta̱ Aminadab. Ta̱ Aminadab xi̱kuura yivá ta̱ Nahsón, ta̱yóʼo kúú ta̱ xi̱niʼi yichi̱ nu̱ú na̱ veʼe ta̱ Judá. 11 Ta̱ Nahsón xi̱kuura yivá ta̱ Salmá. Ta̱ Salmá xi̱kuura yivá ta̱ Boaz. 12 Ta̱ Boaz xi̱kuura yivá ta̱ Obed. Ta̱ Obed xi̱kuura yivá ta̱ Jesé. 13 Ta̱ Jesé xi̱kuura yivá ta̱ Eliab, ta̱yóʼo xi̱kuu se̱ʼera ta̱ nu̱ú; ta̱ Abinadab xi̱kuu ta̱ u̱vi̱; ta̱ Simeá xi̱kuu ta̱ u̱ni̱; 14 ta̱ Netanel xi̱kuu ta̱ ku̱mí; ta̱ Radái xi̱kuu ta̱ u̱ʼu̱n; 15 ta̱ Ozem xi̱kuu ta̱ i̱ñu̱ ta ta̱ David xi̱kuu ta̱ u̱xa̱. 16 Ta ku̱ʼva na̱yóʼo xi̱kuu ñá Zeruyá xíʼin ñá Abigaíl. Ta u̱ni̱ xi̱kuu na̱ se̱ʼe ñá Zeruyá: ta̱ Abisái, ta̱ Joab xíʼin ta̱ Asahel. 17 Ta se̱ʼe ñá Abigaíl xi̱kuu ta̱ Amasá, ta yivá ta̱ Amasá xi̱kuu ta̱ Jéter ta̱ ismaelita.

18 Ta̱ Caleb* se̱ʼe ta̱ Hezrón ka̱ku se̱ʼera xíʼin ñá síʼira ñá Azubá ta saátu xíʼin ñá Jeriot; na̱yóʼo xi̱kuu se̱ʼeñá: ta̱ Jéser, ta̱ Sobab xíʼin ta̱ Ardón. 19 Tá ni̱xi̱ʼi̱ ñá Azubá, ta̱ Caleb ti̱ndaʼa̱ra xíʼin ñá Efrat, ta ka̱ku se̱ʼena ta̱ Hur. 20 Ta̱ Hur xi̱kuura yivá ta̱ Urí. Ta̱ Urí xi̱kuura yivá ta̱ Bezalel.

21 Tá ni̱ya̱ʼa loʼo, ta̱ Hezrón ni̱ki̱si̱ra xíʼin ñá se̱ʼe ta̱ Makir, yivá ta̱ Galaad. Ta̱ Hezrón xi̱kuumiíra 60 ku̱i̱ya̱ tá ti̱ndaʼa̱ra xíʼinñá, ta ka̱ku se̱ʼena ta̱ Segub. 22 Ta̱ Segub xi̱kuura yivá ta̱ Jaír, ta̱yóʼo nda̱kiʼinra 23 ñuu chí Galaad. 23 Tá ni̱ya̱ʼa tiempo, na̱ ñuu Guesur xíʼin na̱ ñuu Siria ki̱ndaana ñuu Havot-Jaír xíʼin ñuu Quenat ndaʼa̱na ta saátu ñuu ña̱ ni̱xi̱yo yatin kán, ta 60 xi̱kuu ndiʼi ñuu ña̱ ki̱ndaana ndaʼa̱na. Ndiʼi na̱yóʼo xi̱kuu na̱ se̱ʼe ta̱ Makir, yivá ta̱ Galaad.

24 Tá xa̱a̱ ni̱xi̱ʼi̱ ta̱ Hezrón chí Caleb-Efrata, ñá síʼira ñá Abías sa̱kákuñá ta̱ Asjur, ta̱yóʼo xi̱kuura yivá na̱ xi̱ndoo chí Tecoa.*

25 Se̱ʼenu̱ú ta̱ Hezrón xi̱kuu ta̱ Jerahmeel, ta se̱ʼenu̱ú ta̱yóʼo xi̱kuu ta̱ Ram, tándi̱ʼi ka̱ku ta̱ Buná, ta̱ Orén, ta̱ Ozem xíʼin ta̱ Ahíya. 26 Ni̱xi̱yo inka ñá síʼi ta̱ Jerahmeel ñá xi̱naní Atará. Ñáyóʼo xi̱kuu siʼí ta̱ Onam. 27 Se̱ʼenu̱ú ta̱ Jerahmeel xi̱kuu ta̱ Ram, ta se̱ʼe ta̱yóʼo xi̱kuu ta̱ Maaz, ta̱ Jamín xíʼin ta̱ Équer. 28 Na̱ se̱ʼe ta̱ Onam xi̱kuu ta̱ Samái xíʼin ta̱ Jadá. Na̱ se̱ʼe ta̱ Samái xi̱kuu ta̱ Nadab xíʼin ta̱ Abisur. 29 Ñá síʼi ta̱ Abisur xi̱naníñá Abihail, ta se̱ʼe na̱yóʼo xi̱kuu ta̱ Ahbán xíʼin ta̱ Molid. 30 Na̱ se̱ʼe ta̱ Nadab xi̱kuu ta̱ Séled xíʼin ta̱ Apaim. Soo ta̱ Séled ni̱xi̱ʼi̱ra ta kǒo se̱ʼera níxi̱yo. 31 Se̱ʼe ta̱ Apaim xi̱kuu ta̱ Isí, se̱ʼe ta̱ Isí xi̱kuu ta̱ Sesán ta se̱ʼe ta̱ Sesán xi̱kuu ta̱ Ahlái. 32 Na̱ se̱ʼe ta̱ Jadá ñani ta̱ Samái, xi̱kuu ta̱ Jéter xíʼin ta̱ Jonatán. Soo ta̱ Jéter ni̱xi̱ʼi̱ra ta kǒo se̱ʼera níxi̱yo. 33 Na̱ se̱ʼe ta̱ Jonatán xi̱kuu ta̱ Pélez xíʼin ta̱ Zazá. Na̱yóʼo xi̱kuu na̱ se̱ʼe ta̱ Jerahmeel.

34 Kǒo ni iin se̱ʼeta̱a ta̱ Sesán níxi̱yo, chi nina ñaʼá xi̱kuu se̱ʼera. Soo ni̱xi̱yo iin ta̱ egipcio ta̱ xi̱kachíñu nu̱ú ta̱ Sesán ta̱ xi̱naní Jarhá. 35 Ta̱ Sesán ta̱xira iin ñá loʼo se̱ʼera ña̱ tindaʼa̱ñá xíʼin ta̱ xi̱kachíñu nu̱úra ta̱ xi̱naní Jarhá, ta ka̱ku iin se̱ʼeñá xíʼinra ta ta̱yóʼo xi̱naníra Atái. 36 Ta̱ Atái xi̱kuura yivá ta̱ Natán. Ta̱ Natán xi̱kuura yivá ta̱ Zabad. 37 Ta̱ Zabad xi̱kuura yivá ta̱ Eflal. Ta̱ Eflal xi̱kuura yivá ta̱ Obed. 38 Ta̱ Obed xi̱kuura yivá ta̱ Jehú. Ta̱ Jehú xi̱kuura yivá ta̱ Azarías. 39 Ta̱ Azarías xi̱kuura yivá ta̱ Hélez. Ta̱ Hélez xi̱kuura yivá ta̱ Eleasá. 40 Ta̱ Eleasá xi̱kuura yivá ta̱ Sismái. Ta̱ Sismái xi̱kuura yivá ta̱ Salum. 41 Ta̱ Salum xi̱kuura yivá ta̱ Jecamías. Ta̱ Jecamías xi̱kuura yivá ta̱ Elisamá.

42 Se̱ʼenu̱ú ta̱ Caleb* ñani ta̱ Jerahmeel xi̱kuu ta̱ Mesá (ta̱yóʼo xi̱kuura yivá na̱ xi̱ndoo chí Zif) xíʼin na̱ se̱ʼe ta̱ Maresá,* yivá ta̱ Hebrón. 43 Na̱ se̱ʼe ta̱ Hebrón xi̱kuu ta̱ Coré, ta̱ Tapúah, ta̱ Réquem xíʼin ta̱ Sema. 44 Ta̱ Sema xi̱kuura yivá ta̱ Raham, yivá ta̱ Jorqueam. Ta̱ Réquem xi̱kuura yivá ta̱ Samái. 45 Ta̱ Samái xi̱kuura yivá ta̱ Maón. Ta̱ Maón xi̱kuura yivá na̱ xi̱ndoo chí Bet-Zur. 46 Ta ñá Efá ñá ni̱xi̱yo xíʼin* ta̱ Caleb sa̱kákuñá ta̱ Harán, ta̱ Mozá xíʼin ta̱ Gazez. Ta̱ Harán xi̱kuura yivá ta̱ Gazez. 47 Ta na̱ se̱ʼe ta̱ Jahdái xi̱kuu ta̱ Réguem, ta̱ Jotán, ta̱ Guesán, ta̱ Pélet, ta̱ Efá xíʼin ta̱ Sáaf. 48 Ñá Maacá inka ñá ni̱xi̱yo xíʼin ta̱ Caleb, sa̱kákuñá ta̱ Séber xíʼin ta̱ Tirhaná. 49 Tá ni̱ya̱ʼa tiempo sa̱kákutuñá ta̱ Sáaf, ta̱yóʼo xi̱kuura yivá na̱ xi̱ndoo chí Madmaná, xíʼin ta̱ Sevá yivá na̱ xi̱ndoo chí Macbená ta saátu chí Guibeá. Ta ni̱xi̱yo iin ñaʼá se̱ʼe ta̱ Caleb ñá xi̱naní Acsá. 50 Na̱yóʼo xi̱kuu na̱ se̱ʼe ta̱ Caleb.

Se̱ʼenu̱ú ñá Efrata xi̱kuu ta̱ Hur, ta se̱ʼe ta̱yóʼo xi̱kuu ta̱ Sobal, yivá na̱ xi̱ndoo chí Quiryat-Jearim, 51 ta̱ Salmá, yivá na̱ xi̱ndoo chí Belén, ta saátu ta̱ Haref yivá na̱ xi̱ndoo chí Bet-Gader. 52 Ta̱ Sobal yivá na̱ xi̱ndoo chí Quiryat-Jearim ni̱xi̱yo se̱ʼera ta na̱yóʼo xi̱kuu ta̱ Haroé xíʼin iin táʼví na̱ menuhot. 53 Na̱ familia na̱ xi̱ndoo chí Quiryat-Jearim xi̱kuu na̱ itrita, na̱ putíe, na̱ sumatita xíʼin na̱ misraíta. Ta ti̱xin veʼe na̱yóʼo ki̱xi na̱ zoratita xíʼin na̱ estaolita. 54 Na̱ se̱ʼe ta̱ Salmá kúú na̱ xi̱ndoo chí Belén, saátu na̱ netofatita xíʼin na̱ xi̱ndoo chí Atrot-Bet-Joab ta saátu iin táʼví na̱ manahatita xíʼin na̱ zorita. 55 Na̱ veʼe na̱ secretario na̱ xi̱ndoo chí Jabez xi̱kuu na̱ tirateo, na̱ simeateo xíʼin na̱ sucateo. Na̱yóʼo xi̱kuu na̱ quenita na̱ ki̱xi ti̱xin na̱ veʼe ta̱ Hammat, ta̱ xi̱kuu yivá na̱ recabita.