1 Crónicas

7 Ku̱mí xi̱kuu na̱ se̱ʼe ta̱ Isacar: ta̱ Tolá, ta̱ Pua, ta̱ Jasub xíʼin ta̱ Simrón. 2 Na̱ se̱ʼe ta̱ Tolá xi̱kuu ta̱ Uzí, ta̱ Refayá, ta̱ Jeriel, ta̱ Jahmái, ta̱ Ibsam xíʼin ta̱ Semuel, ta na̱yóʼo kúú na̱ xi̱niʼi yichi̱ nu̱ú na̱ veʼena. Ti̱xin na̱ veʼe ta̱ Tolá ni̱xi̱yo ku̱a̱ʼání na̱ ta̱a na̱ ndakúní ta xi̱xini̱nína kanitáʼanna, ta tiempo ña̱ ni̱xi̱yo ta̱ David 22,600 xi̱kuuna. 3 Ti̱xin na̱ veʼe ta̱ Uzí ki̱xi ta̱ Izrahías xíʼin na̱ se̱ʼera: ta̱ Miguel, ta̱ Abdías, ta̱ Joel xíʼin ta̱ Isías. U̱ʼu̱n saá na̱yóʼo xi̱kuu na̱ xi̱niʼi yichi̱ nu̱ú na̱ veʼena. 4 Ta xíʼin na̱yóʼo xi̱kitáʼan 36,000 na̱ soldado na̱ xa̱a̱ ni̱xi̱yo tu̱ʼva ña̱ ku̱ʼu̱nna kanitáʼanna, ndiʼi na̱yóʼo ki̱xina ti̱xin na̱ veʼena ta ku̱a̱ʼání xi̱kuuna saáchi ku̱a̱ʼání xi̱kuu ñá síʼina xíʼin se̱ʼena. 5 Ta ndiʼika na̱ ñanina na̱ ki̱xi ti̱xin na̱ veʼe ta̱ Isacar, ndakúní ni̱xi̱yona ta xi̱xini̱nína kanitáʼanna. Ndiʼi na̱ ni̱ka̱ʼyi̱ ki̱vi̱ xi̱kuuna 87,000.

6 U̱ni̱ xi̱kuu na̱ se̱ʼe ta̱ Benjamín: ta̱ Bela, ta̱ Béker xíʼin ta̱ Jediael. 7 Ta u̱ʼu̱n xi̱kuu na̱ se̱ʼe ta̱ Bela: ta̱ Ezbón, ta̱ Uzí, ta̱ Uziel, ta̱ Jerimot xíʼin ta̱ Irí. Na̱yóʼo kúú na̱ xi̱niʼi yichi̱ nu̱ú na̱ veʼena, ndakúní ni̱xi̱yona ta xi̱xini̱nína kanitáʼanna, ta ndiʼi na̱ ni̱ka̱ʼyi̱ ki̱vi̱ xi̱kuuna 22,034. 8 Na̱ se̱ʼe ta̱ Béker xi̱kuu ta̱ Zemirá, ta̱ Joás, ta̱ Eliezer, ta̱ Elioenái, ta̱ Omrí, ta̱ Jeremot, ta̱ Abías, ta̱ Anatot xíʼin ta̱ Alémet. Ndiʼi na̱yóʼo xi̱kuu na̱ se̱ʼe ta̱ Béker. 9 Ti̱xin na̱ veʼe na̱ táʼanna na̱ xi̱ndoo xi̱naʼá na̱ ni̱ka̱ʼyi̱ ki̱vi̱, ni̱xi̱yo 20,200 na̱ ta̱a na̱ ndakúní ta xi̱xini̱nína kanitáʼanna. 10 Ta se̱ʼe ta̱ Jediael xi̱kuu ta̱ Bilhán ta na̱ se̱ʼe ta̱ Bilhán xi̱kuu ta̱ Jeús, ta̱ Benjamín, ta̱ Ehúd, ta̱ Kenaaná, ta̱ Zetán, ta̱ Tarsis xíʼin ta̱ Ahisáhar. 11 Ndiʼi na̱yóʼo xi̱kuu na̱ se̱ʼe ta̱ Jediael na̱ ki̱xi ti̱xin na̱ veʼe na̱ táʼanna na̱ xi̱ndoo xi̱naʼá, ta 17,200 xi̱kuu na̱ ta̱a na̱ ndakúní na̱ xi̱xini̱ní kanitáʼan, ta xa̱a̱ ni̱xi̱yo tu̱ʼvana ña̱ ndakutáʼanna xíʼin na̱ soldado ta ku̱ʼu̱nna nu̱ú ku̱a̱chi.

12 Na̱ supim xíʼin na̱ hupim xi̱kuuna se̱ʼe ta̱ Ir; na̱ husim xi̱kuuna se̱ʼe ta̱ Aher.

13 Se̱ʼe ta̱ Neftalí xi̱kuu ta̱ Jahziel, ta̱ Guní, ta̱ Jézer xíʼin ta̱ Salum, na̱yóʼo xi̱kuuna se̱ʼe ñá Bilhá.

14 Se̱ʼe ta̱ Manasés xi̱kuu ta̱ Asriel, ta̱yóʼo kúú ta̱ sa̱káku ñá siria ñá ni̱xi̱yo xíʼinra.* (Ñáyóʼo sa̱kákuñá ta̱ Makir, yivá ta̱ Galaad. 15 Ta̱ Makir ndu̱kúra ñá síʼi ta̱ Hupim xíʼin ta̱ Supim, ta ku̱ʼva ta̱yóʼo xi̱naníñá Maacá). Se̱ʼera ta̱ u̱vi̱ xi̱naníra Zelofehad, soo ta̱ Zelofehad nina ñaʼá xi̱kuu se̱ʼera. 16 Ñá Maacá ñá síʼi ta̱ Makir ka̱ku iin se̱ʼeñá ta chi̱naníñára Peres, ta ñanira xi̱naníra Seres; ta se̱ʼe ta̱yóʼo xi̱kuu ta̱ Ulam xíʼin ta̱ Réquem. 17 Ta se̱ʼe ta̱ Ulam xi̱kuu ta̱ Bedán. Na̱yóʼo xi̱kuu na̱ se̱ʼe ta̱ Galaad, se̱ʼe ta̱ Makir, se̱ʼe ta̱ Manasés. 18 Ta ku̱ʼvara xi̱kuu ñá Hamoléket. Ñáyóʼo sa̱kákuñá ta̱ Isod, ta̱ Abí-Ézer xíʼin ta̱ Mahlá. 19 Ta na̱ se̱ʼe ta̱ Semidá xi̱kuu ta̱ Ahián, ta̱ Siquem, ta̱ Liquí xíʼin ta̱ Aniam.

20 Na̱ se̱ʼe ta̱ Efraín xi̱kuu ta̱ Sutélah, ta̱ Bered, ta̱ Táhat, ta̱ Eleadá, ta̱ Táhat, 21 ta̱ Zabad, ta̱ Sutélah, ta̱ Ézer xíʼin ta̱ Elead. Na̱ ta̱a na̱ ñuu Gat na̱ ka̱ku kán xa̱ʼnínana saáchi ni̱xa̱ʼa̱nna ki̱ndaana kití sa̱na̱na. 22 Ku̱a̱ʼání ki̱vi̱ ku̱suchí-ini yivána ta̱ Efraín xa̱ʼa̱na ta na̱ ñanira xi̱xaʼa̱nna xi̱sandíkona-inira. 23 Tá ni̱ya̱ʼa loʼo, ta̱ Efraín ni̱ki̱si̱ra xíʼin ñá síʼira ta ñáyóʼo ni̱ke̱e se̱ʼeñá ta sa̱kákuñá iin ta̱ loʼo. Soo ta̱yóʼo chi̱nanírara Berías* saáchi ka̱kura tá yáʼa na̱ veʼera nu̱ú iin tu̱ndóʼo. 24 Se̱ʼera xi̱kuu ñá Seerá, ñáyóʼo kúú ñá chi̱ndúʼú-xa̱ʼa̱ ñuu Bet-Horón Baja xíʼin Bet-Horón Alta, ta saátu ñuu Uzén-Seerá. 25 Ta se̱ʼetura xi̱kuu ta̱ Réfah, ta̱ Résef, ta̱ Télah, ta̱ Tahán, 26 ta̱ Ladán, ta̱ Amihud, ta̱ Elisamá, 27 ta̱ Nun xíʼin ta̱ Josué.*

28 Ñuʼúna ta saátu ñuu nu̱ú xi̱ndoona xi̱kuu Betel xíʼin ñuu ña̱ ni̱xi̱yo yatin kán, ñuʼúna xi̱kuu Naarán ña̱ xi̱kindo̱o chí táʼví este, ta chí táʼví oeste ñuʼútuna xi̱kuu Guézer xíʼin ñuu ña̱ ni̱xi̱yo yatin kán, Siquem xíʼin ñuu ña̱ ni̱xi̱yo yatin kán, iinsaá nda̱a̱ Ayyá* xíʼin ñuu ña̱ ni̱xi̱yo yatin kán; 29 ta chí táʼví chí nu̱ú xi̱ndoo na̱ veʼe ta̱ Manasés, ñuʼúna xi̱kuu Bet-Seán xíʼin ñuu ña̱ ni̱xi̱yo yatin kán, Taanac xíʼin ñuu ña̱ ni̱xi̱yo yatin kán, Meguidó xíʼin ñuu ña̱ ni̱xi̱yo yatin kán ta saátu Dor xíʼin ñuu ña̱ ni̱xi̱yo yatin kán. Nu̱ú ñuʼú yóʼo kúú nu̱ú xi̱ndoo na̱ se̱ʼe ta̱ José se̱ʼe ta̱ Israel.

30 Na̱ se̱ʼe ta̱ Aser xi̱kuu ta̱ Imná,* ta̱ Isvá, ta̱ Isví xíʼin ta̱ Berías, ta ku̱ʼva na̱yóʼo xi̱kuu ñá Sérah. 31 Na̱ se̱ʼe ta̱ Berías xi̱kuu ta̱ Héber xíʼin ta̱ Malkiel, ta̱ xi̱kuu yivá ta̱ Birzayit. 32 Ta̱ Héber xi̱kuu yivá ta̱ Jaflet, ta̱ Somer xíʼin ta̱ Hotam, ta ku̱ʼva na̱yóʼo xi̱kuu ñá Súa. 33 Na̱ se̱ʼe ta̱ Jaflet xi̱kuu ta̱ Pasac, ta̱ Bimhal xíʼin ta̱ Asvat. Na̱yóʼo xi̱kuu na̱ se̱ʼe ta̱ Jaflet. 34 Na̱ se̱ʼe ta̱ Sémer* xi̱kuu ta̱ Ahí, ta̱ Rohgá, ta̱ Jehubá xíʼin ta̱ Aram. 35 Na̱ se̱ʼe ñanira ta̱ Hélem* xi̱kuu ta̱ Zofá, ta̱ Imná, ta̱ Seles xíʼin ta̱ Amal. 36 Na̱ se̱ʼe ta̱ Zofá xi̱kuu ta̱ Súaj, ta̱ Harnéfer, ta̱ Sual, ta̱ Berí, ta̱ Imrá, 37 ta̱ Bézer, ta̱ Hod, ta̱ Samá, ta̱ Silsá, ta̱ Itrán xíʼin ta̱ Beerá. 38 Na̱ se̱ʼe ta̱ Jéter xi̱kuu ta̱ Jefuné, ta̱ Pispá xíʼin ta̱ Ará. 39 Na̱ se̱ʼe ta̱ Ulá xi̱kuu ta̱ Ará,* ta̱ Haniel xíʼin ta̱ Rizía. 40 Ndiʼi na̱yóʼo xi̱kuu na̱ se̱ʼe ta̱ Aser, na̱yóʼo kúú na̱ xi̱niʼi yichi̱ nu̱ú na̱ veʼena, ndakúní ni̱xi̱yona ta xi̱xini̱nína kanitáʼanna, xi̱ndisochíñuna xíʼin na̱ xi̱niʼi yichi̱ nu̱ú na̱ soldado, ta ndiʼi na̱ soldado na̱ ni̱ka̱ʼyi̱ ki̱vi̱ na̱ xa̱a̱ ni̱xi̱yo tu̱ʼva ña̱ ku̱ʼu̱nna nu̱ú ku̱a̱chi xi̱kuuna 26,000.