Abdías

“Xa̱a̱ xi̱niso̱ʼondi̱ xa̱ʼa̱ iin ña̱ ni̱ka̱ʼa̱n Jehová,

ta xa̱a̱ chi̱ndaʼára iin ta̱ ku̱a̱ʼa̱n ka̱ʼa̱n xa̱ʼa̱ ña̱yóʼo xíʼin na̱ ñuu:

 2 “Koto, nda̱sai̱ yóʼó iin ñuu ña̱ ni loʼo kǒo ndáyáʼvi nu̱ú inkaka ñuu;

ta vitin kúndasínu̱úna xínina yóʼó.

 3 Xa̱ʼa̱ ña̱ ni̱nuní kúniún, níma̱ún sa̱ndáʼviña yóʼó,

yóʼó ñuu ña̱ íyo chí nu̱ú íyo kavá,

yóʼó ña̱ íyo chí nu̱ú súkunní ta ndákani-iniún ña̱yóʼo:

‘¿Ndáana kuchiñu sanúu yi̱ʼi̱?’.

 4 Ni súkunní ná ku̱ʼún koún* nda̱a̱ táki̱ʼva kéʼé tí ta̱sú,*

ni ná ixava̱ʼún chi̱ʼyo̱ún nda̱a̱ nu̱ú íyo ki̱mi,

sanúuvai̱ yóʼó”, káchi Jehová.

 5 “Tá ná kixi na̱ kui̱ʼná tá ñuú ña̱ ixakuíʼnána ña̱ʼa ña̱ kúúmiíún,

¿á su̱ví ña̱ kúni̱ mií kuitívana kúú ña̱ ixakuíʼnána?

Á tá ná kixi na̱ ndákaya uva chí nu̱ú ñuʼún,

¿á su̱ví sandákoovana savarí ña̱ va̱ʼa ndakaya inkanarí?

 8 Ki̱vi̱ kán, káchi Jehová,

sandíʼi-xa̱ʼa̱vai̱ na̱ ndíchiní na̱ íyo ñuu Edom,

ta saátu na̱ xíni̱ní na̱ íyo chí nu̱ú ñuʼú nu̱ú íyoní yuku̱ ña̱ kúú kuenta ta̱ Esaú.

 9 Yóʼó ñuu Temán, na̱ ta̱a na̱ ndakúní na̱ kúúmiíún na̱ xíka nu̱ú ku̱a̱chi yi̱ʼvínína,

saáchi ndiʼi na̱ ndóo chí nu̱ú ñuʼú nu̱ú íyo yuku̱ ña̱ kúú kuenta ta̱ Esaú ndiʼi-xa̱ʼa̱vana tá ná koo ku̱a̱chi.

10 Xa̱ʼa̱ ña̱ i̱xandi̱va̱ʼún xíʼin ñaniún ta̱ Jacob,

kukaʼanní nu̱ún ta ndiʼi-xa̱ʼa̱ va̱ʼavaún.

11 Ki̱vi̱ tá xi̱to kuitíún ña̱ ke̱ʼéna xíʼinna,

ki̱vi̱ tá nda̱kiʼin na̱ inka ñuu na̱ soldado ñaniún ku̱a̱ʼa̱n xíʼinna,

tá ni̱ki̱ʼvi na̱ inka ñuu chí yéʼé ñaniún ta chi̱kaa̱na suerte

ña̱ va̱ʼa ndataʼvína ña̱ʼa ña̱ ndáyáʼvi ña̱ ni̱xi̱yo ñuu Jerusalén,

12 Va̱ása níxiniñúʼu kusi̱í-iniún xa̱ʼa̱ ña̱ ndo̱ʼo ñaniún ki̱vi̱ tá ki̱xi tu̱ndóʼo nu̱úra,

ni va̱ása níxiniñúʼu kusi̱í-iniún xa̱ʼa̱ ña̱ ni̱xi̱ʼi̱ na̱ yiví na̱ ñuu Judá,

ni va̱ása níxiniñúʼu sakúkaʼún nu̱úna ki̱vi̱ tá ni̱xo̱ʼvi̱na.*

13 Kǒo níxiniñúʼu ki̱ʼviún chí yéʼé na̱ ñui̱ ki̱vi̱ tá ki̱xi tu̱ndóʼo nu̱úna,

ni kǒo níxiniñúʼu kusi̱í-iniún xa̱ʼa̱ ña̱ ndo̱ʼona ki̱vi̱ tá ki̱xi tu̱ndóʼo nu̱úna,

ni kǒo níxiniñúʼu ndakiʼún ña̱ ku̱i̱ká ña̱ xi̱kuumiína ki̱vi̱ tá ki̱xi tu̱ndóʼo nu̱úna.

14 Va̱ása níxiniñúʼu kundatún chí nu̱ú ndáta̱ʼví yichi̱ ña̱ va̱ʼa kaʼníún na̱ xi̱nu,

ni va̱ása níxiniñúʼu ndataxiún na̱ ni̱ka̱ku ndaʼa̱ na̱ sáa̱-ini xíniñaʼá ki̱vi̱ tá ni̱xo̱ʼvi̱na.

16 Nda̱a̱ táki̱ʼva xi̱ʼindó vino chí yuku̱i̱ ña̱ yi̱i̱,

saá ndakundeé na̱ inka ñuu koʼona ña̱ sái̱, nda̱a̱ táki̱ʼva xíʼina vino.

Koʼo ndiʼina ña̱ sái̱ ta ndiʼi-xa̱ʼa̱na.

Ta kǒo na̱ ndakaʼánví xa̱ʼa̱na.

17 Soo na̱ ná kuchiñu ka̱ku, ku̱ʼu̱nna chí yuku̱ Sion,

ta na̱yóʼo koona na̱ yi̱i̱;

na̱ veʼe ta̱ Jacob ndakiʼin tukuna ña̱ʼa ña̱ xi̱kuu kuentana.

18 Na̱ veʼe ta̱ Jacob koona nda̱a̱ táki̱ʼva íyo iin ñuʼu̱;

na̱ veʼe ta̱ José koona nda̱a̱ táki̱ʼva íyo iin ñuʼu̱ ña̱ ndeéní xíxi̱.

Soo na̱ veʼe ta̱ Esaú koona nda̱a̱ táki̱ʼva íyo yita* yi̱chí.

Chikaa̱na ñuʼu̱ ña̱yóʼo ta koko* ndiʼiña;

nda̱a̱ ni iin na̱ veʼe ta̱ Esaú va̱ása ka̱kuna,

saáchi mií Jehová kúú ta̱ ni̱ka̱ʼa̱n ña̱yóʼo.

19 Kuchiñuna ndakiʼinna ñuu Négueb ta saátu ñuʼú nu̱ú íyo yuku̱ ña̱ kúú kuenta ta̱ Esaú,

kuchiñuna ndakiʼinna Sefelá ta saátu ñuʼú na̱ filisteo.

Kuchiñuna ndakiʼinna ñuʼú ta̱ Efraín ta saátu ñuʼú ña̱ íyo chí Samaria,

ta ta̱ Benjamín kuchiñura ndakiʼinra Galaad.

20 Na̱ ñuu Israel na̱ xi̱ndoo ñuu ña̱ kútu̱ní ndási,

na̱ nda̱kiʼinna ku̱a̱ʼa̱n inka ñuu, na̱kán kúú na̱ ndakiʼin ñuʼú na̱ cananeo iinsaá nda̱a̱ Sarepta.

21 Na̱ sakǎku na̱ ñuu, ku̱ʼu̱nna chí yuku̱ Sion

ña̱ va̱ʼa ndatiinna ku̱a̱chi xíʼin na̱ ndóo chí nu̱ú ñuʼú nu̱ú íyo yuku̱ ña̱ kúú kuenta ta̱ Esaú,

ta mií Jehová kúú ta̱ koo rey ta kaʼndachíñura”.