¿Ndíá ña̱ xíniñúʼu keʼéyó ta sakusi̱íyó ini Ndióxi̱?

Va̱ása keʼéyó ña̱ vǎʼá á ña̱ ni̱kuu (1 Corintios 6:9, 10)

Átu kúʼvi̱-iniyó xíniyó Ndióxi̱, va̱ása keʼéyó ña̱ kúndasínu̱úra.

Jehová va̱ása kúni̱ra ná asakuíʼnayó, ná koʼoníyó á ña̱ ná kaʼmiyó yuku sána.

Jehová kúndasínu̱úra ña̱ íxaa na̱ yiví tukúú na̱ xáʼní-táʼan á na̱ sánuu se̱ʼe, saátu ña̱ íxaa na̱ ta̱a kútóo inka ta̱a á ñaʼá kútóo inka ñaʼá. Va̱ása kúni̱ ra kutóoyó ña̱ kuíka ní ña̱ ná kanitáʼanyó xíʼin inkana.

Va̱ása va̱ʼa kuniñúʼuyó ña̱ tu̱ʼva ni va̱ása va̱ʼa kañúʼuyó ndióxi̱ kúva̱ʼa xíʼin ndaʼána.

Na̱ yiví kéʼé ña̱ vǎʼá á ña̱ ni̱kuu va̱ása kundoona nu̱ú Ñuʼú luvi.

Xíniñúʼu asaayó nina ña̱ va̱ʼa (Mateo 7:12)

Ña̱ sakusi̱íyó ini Ndióxi̱ xíniñúʼu keʼéyó ña̱ va̱ʼa ndi̱a̱ tá íxaa miíra.

Ná ku̱ʼvi̱-iniyó kuniyó na̱ yiví ta va̱ʼa koo iniyó xíʼin na, ta ná taxiyó ña̱ kúú miíyó ndaʼána.

Va̱ása sandaʼviyó, nina ña̱ nda̱kú keʼéyó.

Ná kundáʼvi-iniyó kuniyó inkana ta asakáʼnu-iniyó xa̱ʼána.

Ná ndatúʼunyó xíʼin inkana xa̱ʼá Jehová ta saátu xa̱ʼá chiñu xáʼndiara (Isaías 43:10).