Na̱ ítáʼan va̱ʼa xíʼin Ndióxi̱ va̱ása kéʼéna ña̱ vǎʼá á ña̱ ni̱kuu

Ra̱ Ndiva̱ʼa xítondosóra miíyó, chi kúni̱ra ná asaayó ña̱ vǎʼá á ña̱ ni̱kuu. Átu kúni̱yó kutáʼan va̱ʼayó xíʼin Ndióxi̱, xíniñúʼu kundasínu̱úyó ña̱ kúndasí nu̱ú Jehová (Salmo 97:10). Ña̱yóʼo kúú sava ña̱ va̱ása va̱ʼa keʼé na̱ ítáʼan va̱ʼa xíʼin Ndióxi̱:

Kua̱chi ña̱ kíʼvi iin ta̱a xíʼin iin ñaʼá. “Va̱ása ki̱ʼviún kua̱chi xíʼin na̱ va̱ása kúú ñá síʼún á yiíún.” (Éxodo 20:14.) Na̱ tǎʼán tanda̱ʼá, va̱ása va̱ʼa ku̱su̱na xíʼin táʼan na (1 Corintios 6:18).

Na̱ xínî. ‘Na̱ xíʼíní va̱ása ndakiʼina ña̱ va̱ʼa tá ná kaʼndiachíñu Ndióxi̱.’ (1 Corintios 6:10.)

Na̱ xáʼní xíʼin na̱ sánuu se̱ʼe. “Va̱ása kaʼníún.” (Éxodo 20:13.)

Na̱ íxakuíʼná. “Va̱ása asakuíʼnáún.” (Éxodo 20:15.)

Na̱ káʼa̱n tu̱ʼun vatá. Jehová kúndasíra na̱ xíniñúʼu “iin yâá vatá” á na̱ káʼa̱n ña̱ va̱ása nda̱a̱ (Proverbios 6:17).

Na̱ kánitáʼan, ta na̱ sâání-ini. Jehová “kúndasínu̱úra túkúndiʼi na̱ kútóo kanitáʼan” (Salmo 11:5). Iin ña̱ “kútóo ku̱ñuyó” kúú ña̱ ná “sa̱ání ini[yó]” ta ndi̱a̱ kuvi xa̱a̱yó kanitáʼanyó (Gálatas 5:19, 20).

Na̱ sásikí xa̱ʼá xu̱ʼún. “Va̱ása kutáʼandó xíʼin na̱ [...] yiví na̱ kútóo ku̱a̱ʼání ña̱ʼa.” (1 Corintios 5:11.)

Na̱ kúndasí na̱ káʼa̱n inka tu̱ʼun á na̱ inka ñuu. “Ndakundiééndó ku̱ʼvi̱-inindó kunindó na̱ sâá-ini xíni ndóʼo̱ ta ka̱ʼa̱ndó xíʼin Ndióxi̱ xa̱ʼá na̱ ndíkun sa̱tándó xíʼin kua̱chi.” (Mateo 5:43, 44.)

Ña̱ va̱ʼa miíyó kúú ña̱ káʼa̱n Ndióxi̱ xíʼinyó. Yo̱ʼvi̱ní ña̱ ndakooyó chiñu vǎʼá ña̱ kéʼéyó, ndí Jehová xíʼin na̱ Testigora, chindiétáʼana xíʼinyó, ta kuchiñuyó ndakooyó ña̱ vǎʼá ña̱ va̱ása kútóo Ndióxi̱ (Isaías 48:17; Filipenses 4:13; Hebreos 10:24, 25).