Nu̱ú kíxaʼá táʼví 14

Na̱ discípulo ta̱ Jesús sa̱náʼa̱na tu̱ʼun va̱ʼa xa̱ʼa Reino Ndióxi̱ nda̱a̱ ñuu ña̱ íyo xíka. Ta̱ Jesús chi̱ndeérana ña̱ va̱ʼa kunda̱a̱-inina míí ku̱ʼu̱nna natúʼunna xa̱ʼa Reino Ndióxi̱. Ta ke̱ʼéra iin milagro xíʼinna ña̱ va̱ʼa sa̱náʼa̱na na̱ yiví na̱ káʼa̱n inka tu̱ʼun. Jehová ta̱xira ndée ndaʼa̱na ña̱ ni̱xi̱yo ndakú-inina tá ki̱xi tu̱ndóʼo nu̱úna.

Ta̱ Jesús ta̱xira iin xa̱ni nu̱ú ta̱ Juan ña̱ va̱ʼa xi̱nira ndée Jehová. Xíʼin inka xa̱ni, ta̱ Jesús ni̱na̱ʼa̱ra ndáaña keʼé Reino Ndióxi̱ ña̱ íyo chí ndiví ña̱ sandiʼi-xa̱ʼaña ta̱ Ndi̱va̱ʼa xíʼin na̱ kítáʼan xíʼinra. Ta̱ Juan xi̱nira ña̱ xáʼndachíñu ta̱ Jesús xíʼin inka na̱ 144,000. Xi̱nitura ña̱ liviní ndu̱u nu̱ú ñuʼú yóʼo ta ndiʼi na̱ yiví inkáchi ndásakáʼnuna Jehová.