¿Ndáa ki̱ʼva kuniñúʼún tutu Kivi koo si̱íún vitin ta saátu chí nu̱únínu ña̱ kaʼviún xíʼin na̱ yiví?

Tá kúma̱níka kaʼviún xíʼinna

1. 

   1. Xa̱a̱ ya̱chika kaʼvi kúeeún ña̱ kaʼviún xíʼinna. Ndakanixi̱ní ndáaña ndóʼona, ndáaña xíniñúʼuna á ndáaña kándíxana. ¿Á íyo ña̱ íxayo̱ʼvi̱ xíʼinna kunda̱a̱-inina xíʼin? ¿Á íyo ña̱ sási nu̱úna ña̱ keʼéna ña̱ sákuaʼana? Koto artículo xíʼin video ña̱ va̱xi nu̱ú táʼví ña̱ naní “Nandukúka xa̱ʼa̱ña”, ta ndakanixi̱ní ndáa ki̱ʼva chindeétáʼanña xíʼin na̱ káʼviún xíʼin. Saá kivi kuniñúʼunña tá xa̱a̱ káʼviún xíʼinna.

Tá xa̱a̱ káʼviún xíʼinna

1. 2. Tá va̱ʼa túvi na̱ káʼviún xíʼin, keʼé iin oración tá kúma̱níka kaʼvindó ta saátu tá xa̱a̱ sa̱ndíʼindó.

2. 

   3. Ña̱ va̱xi nu̱ú lección ña̱ káʼvindó ka̱ʼún xa̱ʼa̱ ta loʼo ná koo ña̱ ka̱ʼún, taxi ná ka̱ʼa̱n na̱ káʼviún xíʼin xa̱ʼa̱ ña̱ ndákanixi̱nína.

3. 4. Tá xa̱a̱ ná kixáʼún kaʼviún inka táʼví ña̱ va̱xi nu̱ú libro yóʼo xíʼinna, kaʼvi nu̱ú káʼa̱nña “tu̱ʼun ña̱ ndáyáʼvika”, ta ka̱ʼa̱n xa̱ʼa̱ sava título ña̱ va̱xi nu̱ú lección kán xíʼinna.

4. 5. Tá xa̱a̱ sa̱ndíʼún ka̱ʼvíún iin táʼví libro yóʼo xíʼinna, kuniñúʼu ña̱ naní “ña̱ xa̱a̱ sa̱kuaʼayó”, chi ña̱yóʼo chindeétáʼan xíʼinna ña̱ ndakaʼánna xa̱ʼa̱ ña̱ ka̱ʼvindó.

5. 6. Tá xa̱a̱ káʼviún iin tá iin lección xíʼinna:

   1. Inkáchi kaʼvindó párrafo ña̱ va̱xi nu̱ú kíxáʼaña.

   2. Kaʼvindó ndiʼi texto ña̱ káʼa̱n “Kaʼvindó”.

   3. Tá kivi, kaʼvindó inka texto ña̱ va̱xi nu̱ú lección kán.

   4. 

      Kotondó ndiʼi video nu̱ú káʼa̱nña “Kotondó VIDEO” (tá kivi, kotondó ndiʼiña).

   5. Keʼé ndiʼi pregunta ña̱ va̱xi nu̱ú lección kán.

   6. Ka̱ʼa̱nndó xa̱ʼa̱ ndiʼi na̱ʼná ña̱ va̱xi nu̱ú táʼví ña̱ naní “Ná sakuaʼakayó xa̱ʼa̱ña”.

   7. Kuniñúʼu recuadro ña̱ naní “Kivi keʼún ña̱yóʼo”, ña̱ va̱ʼa koto na̱ káʼviún xíʼin ndáa ña̱ʼa kúú ña̱ kivi keʼéna. Chika̱a̱ ndee̱ xíʼinna ña̱ kuumiína meta. Kivi kooña ña̱ va̱xi nu̱ú recuadro kán á inkaña.

   8. Ndaka̱tu̱ʼúnna ndáa artículo á video ña̱ va̱xi nu̱ú táʼví ña̱ naní “Nandukúka xa̱ʼa̱ña”, ku̱tóokana tá ka̱ʼvina lección kán.

   9. Chika̱a̱ ndee̱ ña̱ kaʼviún iníí lección tá xa̱a̱ káʼviún xíʼinna.

Tá xa̱a̱ ndi̱ʼi ka̱ʼvindó

1. 

   7. Ndakanikaxi̱ní xa̱ʼa̱ na̱ káʼviún xíʼin. Ka̱ʼa̱n xíʼin Jehová ná chindeétáʼanra xíʼinna, ta saátu ná taxira ña̱ ndíchi ndaʼún ña̱ chindeétáʼún xíʼinna.