Sakuaʼaka ña̱ va̱ʼa sanáʼa̱kaún: nda̱saa natúʼunyó xíʼin na̱ káʼa̱n inka tu̱ʼun

¿Nda̱chun natúʼunyó xíʼinna? Saáchi Jehová kúni̱ra ndiʼi na̱ yiví ná sakuaʼana xa̱ʼara (Hech. 10:34, 35). Ta̱ Jesús ni̱ka̱ʼa̱nra tu̱ʼun Ndióxi̱ ku̱ʼu̱nña nu̱ú ndiʼi na̱ yiví iníísaá ñuyǐví (Mat. 24:14). Ta̱ Zacarías ni̱ka̱ʼa̱nra nda̱a̱ ndáaka ñuuna nda̱a̱ ndáaka tu̱ʼun káʼa̱nna kuni̱vana sakuaʼana xa̱ʼa Ndióxi̱ (Zac. 8:23). Ta̱ apóstol Juan xi̱nira iin visión, ta xi̱nira ku̱a̱ʼání na̱ yiví na̱kuchiñuna ni̱ya̱ʼana nu̱ú tu̱ndóʼo káʼnu ta xa̱síín ñuu ke̱e iin iinna xa̱síín tu̱ʼun káʼa̱n iin iinna (Rev. 7:9, 13, 14). Xa̱ʼa ña̱yóʼo tá xíkayó nátúʼunyó xa̱ʼa Ndióxi̱ ta ndáni̱ʼíyó na̱ káʼa̱n inka tu̱ʼun, xíniñúʼu natúʼuntuyó xíʼin na̱yóʼova.