Iin ña̱ si̱í-ini kúú ña̱ kéʼéyó veʼe nu̱ú ndátakayó xíʼin ña̱ ndáayóña

Ni ku̱a̱ʼání tiempo xíʼin xu̱ʼún xi̱niñúʼu na̱ ñuu Israel ña̱ i̱xava̱ʼana templo xíʼin ña̱ si̱í-ini ke̱ʼénaña (1Cr 29:2-9; 2Cr 6:7, 8). Tándi̱ʼi na̱kuva̱ʼaña, xa̱ʼa ña̱ xi̱ndaanaña ni̱na̱ʼa̱na ña̱ ndixa xi̱ndi̱ʼi̱-inina xa̱ʼa chiñu Ndióxi̱ (2Re 22:3-6; 2Cr 28:24; 29:3). Ña̱ tiempo vitin, miíyó na̱ ñuu Ndióxi̱ káchíñuníyó ta xíniñúʼuyó ndéeyó ña̱ kúva̱ʼa Salón xíʼin veʼe nu̱ú xíyo Asamblea, ndáayóña ta ndátiʼvíyóña. Xíʼin ndiʼi chiñu yóʼo ndásakáʼnuyó Jehová. ¿Á su̱ví kúsi̱í-iniyó tá káchíñuyó nu̱ú Jehová? (Sl 127:1; Rev 7:15).

¿NDÁA KI̱ʼVA CHINDEÉYÓNA?

• 

  Tá ndíʼi xíyo reunión xíniñúʼu limpio ndakooyó lugar nu̱ú xi̱ndooyó.

• 

  Xíniñúʼu chindeé táʼanyó xíʼinna tá ndátiʼvína á sándáʼana Salón ña̱ Reino. Tá ku̱a̱ʼánína ku̱a̱ʼa̱n káchíñu kamaka kéʼéyó chiñu ta kúsi̱í-iniyó kéʼéyóña (lv-S pág. 92 párr. 18).

• 

  Va̱ʼava taxiyó xu̱ʼún. Jehová kúsi̱íní-inira tá táxiyó xu̱ʼún xíʼin ndiʼi níma̱yó, ni loʼo kúú ña̱ táxiyó kúsi̱íva-inira (Mr 12:41-44).

• 

  Tá kivi ku̱ʼu̱nyó kachíñúyó, va̱ʼa ku̱ʼu̱nyó chindeéyó na̱ ñaniyó na̱ sándáʼa á íxava̱ʼa Salón nu̱ú ndásakáʼnuyó Jehová. Va̱ása xíniñúʼu kuxini̱víyó ña̱ va̱ʼa kachíñuyó.