Ta̱ Job káʼa̱nra xa̱ʼa ña̱ ndóʼora

Ni ndeéní xi̱ndika̱a̱ ta̱ Job ndaʼa̱ tu̱ndóʼo ni saáví ni̱xi̱yo nda̱kúva-inira xíʼin Ndióxi̱. Ta̱ Ndi̱va̱ʼa xi̱kuni̱kara sandákavakara-ini ta̱ Job. Ni̱xa̱ʼa̱n u̱ni̱ na̱ íxaa kúú migo ta̱ Job kotonara chi káʼa̱nna ña̱ kúsuchí-inina xíʼin ña̱ ndóʼora. Soo u̱xa̱ ki̱vi̱ ni̱xi̱yona xíʼinra ta nda̱a̱ ni iin tu̱ʼun kǒo níka̱ʼa̱nna ña̱ sandíkona-inira. Tándi̱ʼi, ni̱ka̱ʼa̱nna tu̱ʼun yo̱ʼvi xíʼinra.

Ni ku̱a̱ʼá tu̱ndóʼo ki̱xi nu̱ú ta̱ Job ni̱xi̱yo nda̱kúva-inira xíʼin Ndióxi̱

6:3; 7:16; 9:20-22; 10:1, 12

• Xa̱ʼa ña̱ xi̱ndika̱a̱ní ta̱ Job tu̱ndóʼo nda̱kani kíʼvi xi̱níra xa̱ʼa Ndióxi̱, nda̱kanixi̱níra Ndióxi̱ va̱ása ndíʼi-inira xa̱ʼara tá kándíxañaʼára á kǒo kándíxañaʼára.

• Xa̱ʼa ña̱ ndeéní ndo̱ʼora kǒo níndakanixi̱níra xa̱ʼa ndáaka inkana ta̱xi tu̱ndóʼo ndaʼa̱ra.

• Ni ndeéní xi̱ndika̱a̱ra ndaʼa̱ tu̱ndóʼo, ni saáví ni̱ka̱ʼa̱nra xíʼinna ña̱ kúʼvi̱ní-inira xínira Jehová.