Ta̱ Elifaz
Sana ta̱ ñuu Temán ña̱ ndíka̱a̱ chí Edom kúúra. Nu̱ú Jeremías 49:7 káʼa̱nña xa̱ʼa ñuu Temán ña̱ kúúña nu̱ú kána ña̱ ndíchi na̱ Edom.
Sana ta̱yóʼo kúú ta̱ chée nu̱ú ndiʼina ta na̱ savaka ndíku̱nna ña̱ káʼa̱nra. Ta̱ Elifaz kúú ta̱ siʼna ki̱xaʼá káʼa̱n. U̱ni̱ discurso ta̱xira ta káni̱kaví ni̱xi̱yoña.
¿Ndáaña ni̱ka̱ʼa̱nra xa̱ʼara?
Ni̱ka̱ʼa̱nra ña̱ su̱ví ndinuʼu-ini ta̱ Job kándíxara Ndióxi̱, Ndióxi̱ va̱ása kándíxara na̱ ndásakáʼnu-ñaʼá (Job 4, 5).
Ni̱ka̱ʼa̱nra xa̱ʼa ta̱ Job ña̱ kúúra iin ta̱ kǒo kúkaʼan nu̱ú ta ndi̱va̱ʼaní-inira, ta va̱ása íxato̱ʼóra Ndióxi̱ (Job 15).
Ni̱ka̱ʼa̱nra xa̱ʼa ta̱ Job ña̱ kútóoníra koo ku̱a̱ʼá ña̱ʼara ta va̱ása va̱ʼa inira, saátu ni̱ka̱ʼa̱nra xa̱á ndiʼiyó ña̱ va̱ása ndáyáʼviyó nu̱ú Ndióxi̱ (Job 22).
Ta̱ Bildad
Se̱ʼe ta̱ Súah xi̱kuura. Sana yuʼú yu̱ta Éufrates ni̱xi̱yora.
Ta̱yóʼo kúú ta̱ u̱vi̱ ni̱ka̱ʼa̱n xíʼin ta̱ Job. Válíka ni̱xi̱yo discursora, soo yo̱ʼvi̱ka tu̱ʼun ni̱ka̱ʼa̱n ta̱yóʼo nu̱ú ta̱ Elifaz.
¿Ndáaña ni̱ka̱ʼa̱nra xa̱ʼara?
Ni̱ka̱ʼa̱nra na̱ se̱ʼe ta̱ Job ni̱ki̱ʼvina ku̱a̱chi ta xa̱ʼa ña̱yóʼo ni̱xi̱ʼi̱na, ta xa̱ʼa ña̱ ni̱ka̱ʼa̱nra kúni̱ kachira ña̱ kǒo kándíxa ta̱ Job Ndióxi̱ (Job 8).
Ni̱ka̱ʼa̱nra ta̱ Job ndi̱va̱ʼaní-inira (Job 18).
Ni̱ka̱ʼa̱nra ña̱ ndinuʼu koo iniyó xíʼin Ndióxi̱ kǒo xa̱ʼaña (Job 25).
Ta̱ Zofar
Ta̱ ñuu Naamá xi̱kuura, sana chí Arabia xi̱ndika̱a̱ña.
Ta̱yóʼo kúú ta̱ u̱ni̱ ni̱ka̱ʼa̱n xíʼin ta̱ Job, ta yo̱ʼvi̱ka ni̱ka̱ʼa̱n ta̱yóʼo xíʼinra, u̱vi̱ yichi̱ ni̱ka̱ʼa̱nra.
¿Ndáaña ni̱ka̱ʼa̱nra xa̱ʼara?