ÑA̱ KÁʼA̱N BIBLIA XA̱ʼA | JEREMÍAS 51, 52
Ndiʼi ña̱ káʼa̱n Jehová va̱ʼaní xínuña
Jehová káxíní ni̱ka̱ʼa̱nra xa̱ʼa ndiʼi ña̱ kuu.
Ta̱ ndáa veʼe ta̱ rey ñuu Persia
“Tuxundó tú flecha”
Na̱ ñuu Media xíʼin na̱ ñuu Persia va̱ʼaní xi̱kinína xíʼin tú flecha, túyóʼo kúú tú xi̱xiniñúʼu va̱ʼana. Xi̱tuxuna nu̱únú ña̱ va̱ʼa ki̱ʼvinú nu̱ú sákanananú.
“Na̱ ta̱a ndakú na̱ ñuu Babilonia kǒo kanitáʼankana”
Historia ta̱ Nabonido káchiña na̱ soldado ta̱ Ciro va̱ása níkanitáʼanna xíʼin na̱ ñuu Babilonia tá ni̱ki̱ʼvina. Ña̱ káʼa̱n historia yóʼo kítáʼanña xíʼin ña̱ ni̱ka̱ʼa̱n ta̱ Jeremías.
Historia ta̱ Nabonido
“Babilonia xa̱a̱ña kuuña iin ñuu nu̱ú ndóo koʼndo yu̱u̱, [...] ta kǒo na̱ yiví kundoo nu̱úña ndiʼi tiempo”
Tá ki̱ʼin ku̱i̱ya 539 t.x. loʼo loʼo ki̱xaʼá ku̱a̱ʼa̱n ndíʼi-xa̱ʼa ndiʼi ña̱ ku̱i̱ká ña̱ ni̱xi̱yo nu̱ú ñuu Babilonia. Ta̱ Alejandro Magno xi̱kuni̱ra kaʼndachíñura nu̱ú íyo ñuu yóʼo, soo kamaní ni̱xi̱ʼi̱ra. Tá siglo nu̱ú ndóokava sava na̱ judío ñuu Babilonia, ña̱kán ni̱xa̱ʼa̱n ta̱ apóstol Pedro xi̱torana. Soo tá siglo ku̱mí ñuu yóʼo ndi̱ʼi-xa̱ʼavaña ta ndáa nu̱ú ni̱xi̱yoña náʼa̱.