¿Á kándíxaún ndiʼi ña̱ káʼa̱n Jehová?

Ta̱ Josué xíʼin ta̱ Salomón ni̱ka̱ʼa̱nna xa̱ʼa Jehová ndiʼi ña̱ káʼa̱nra xínuña (Jos 23:14; 1Re 8:56). Ña̱ ni̱ka̱ʼa̱n na̱yóʼo chíndeéña miíyó ña̱ kándíxakayó Jehová (2Co 13:1; Tit 1:2).

Ña̱ va̱ʼa kunda̱a̱-inindó nda̱saa ni̱xi̱nu ña̱ ni̱ka̱ʼa̱n Jehová tá tiempo ta̱ Josué, kotondó película xíʼin na̱ veʼendó ña̱ naní Ni una sola palabra ha fallado. Tándi̱ʼi keʼéndó ña̱ pregunta yóʼo: 1) ¿Nda̱saa va̱ʼa kundiku̱nyó yichi̱ ñá Rahab? (Heb 11:31; Snt 2:24-26). 2) ¿Ndáaña náʼa̱ ña̱ ndo̱ʼo ta̱ Acán nu̱úyó tá kǒo xíniso̱ʼoyó ña̱ káʼa̱n Ndióxi̱? 3) ¿Nda̱chun sa̱ndáʼvi na̱ ñuu Gabaón ta Josué ña̱ kǒo kúni̱na koo ku̱a̱chi ni xíni̱nína kanitáʼanna? 4) ¿Nda̱saa ni̱xi̱nu tu̱ʼun Jehová tá xi̱kuni̱ na̱ u̱ʼu̱n rey kanitáʼanna xíʼin na̱ ñuu Israel? (Jos 10:5-14). 5) ¿Nda̱saa chíndeé Jehová yóʼó xa̱ʼa ña̱ ndíʼi̱-iniún xa̱ʼa chiñura? (Mt 6:33).

Tá ndákanixi̱níyó xa̱ʼa ña̱ xa̱a̱ ke̱ʼé Jehová, xíʼin xa̱ʼa ña̱ kéʼéra vitin, xíʼin xa̱ʼa ña̱ keʼéra chí nu̱únínu, ndeéka kándíxayóra (Ro 8:31, 32).