Sakuaʼaka ña̱ va̱ʼa sanáʼa̱kaún: ka̱ʼa̱n xíʼin ndiʼi na̱ yiví na̱ íyo nu̱ú xíkaún nátúʼún

¿NDA̱CHUN XÍNIÑÚʼU KEʼÉYÓÑA? Ta̱ Zacarías ni̱ka̱ʼa̱nra ndiʼi na̱ yiví kutóonína sakuaʼana xa̱ʼa tu̱ʼun Ndióxi̱ ni nda̱a̱ ndáaka ñuuna (Zac 8:23). Soo, ¿ndáana sanáʼa̱-ñaʼá? (Ro 10:13-15). Tiempo vitin miíyó kúú na̱ xíniñúʼu natúʼun xíʼin na̱ yiví na̱ íyo nu̱ú xíkayó nátúʼunyó (od-S pág. 84 párr. 10, 11).

¿NDÁA KI̱ʼVA KEʼÉYÓÑA?

• Sakuaʼa va̱ʼún. ¿Á xa̱a̱ nátúʼún xíʼin iin na̱ káʼa̱n inka tu̱ʼun? Kivi kuniñúʼún aplicación JW Languaje ña̱ kivi sakuaʼún ndáaña ka̱ʼún xíʼinna. Kivitu kuniñúʼún celular ña̱ kúúmiíún ña̱ va̱ʼa na̱ʼún nu̱úna ndáa ki̱ʼva ki̱ʼvina ti̱xin página ña̱ Internet jw.org.

• Koo tu̱ʼvaníún. Tá ku̱a̱ʼún natúʼún xa̱ʼa Ndióxi̱ veʼe tá veʼe, kivitu koo tu̱ʼvaún ña̱ ka̱ʼún xíʼin na̱ yiví na̱ xíka calle á na̱ ñúʼu ndátu ti̱xin carro. Ta saátu tá ku̱a̱ʼún xíʼin carro válí koo tu̱ʼvaníún ña̱ natúʼún xa̱ʼa Ndióxi̱.

• Va̱ása sandákoún ña̱ natúʼún. Tá va̱ása níndani̱ʼún iin na̱ yiví ti̱xin veʼena, chika̱a̱ ndée ña̱ ndikóún nu̱úna inka ki̱vi̱ á inka semana. Kivi natúʼún xíʼinna chí calle, á kaʼyíún carta ndaʼa̱na á ka̱ʼún xíʼinna xíʼin teléfono.

• Ndikóún nu̱ú na̱ yiví na̱ na̱túʼún xíʼin. Tá inka tu̱ʼun káʼa̱nna kivi ndukún inkana ña̱ va̱ʼa ku̱ʼu̱nna natúʼunna xíʼinna tu̱ʼun miína, soo va̱ása sandákoúnna nda̱a̱ tá xa̱a̱ ná kunda̱a̱-iniún ña̱ xáʼa̱n na̱ káʼa̱n tu̱ʼun miína nu̱úna (od-S pág. 93, 94 párr. 39, 40).

CHIKA̱A̱ VIDEO XÍKAYÓ NÁTÚʼUNYÓ XA̱ʼA NDIÓXI̱ “INÍÍSAÁ ÑUYǏVÍ” TA NDAKUIIN PREGUNTA YÓʼO:

• 

  ¿Ndáaña ke̱ʼé na̱ ñaniyó ña̱ va̱ʼa ni̱xa̱ʼa̱nna na̱túʼunna xíʼin na̱ yiví na̱ ndóo inka ñuu? (1Co 9:22, 23).

• 

  ¿Ndáaña i̱xayo̱ʼvi̱ xíʼinna?

• 

  ¿Ndáaña va̱ʼa nda̱kiʼinna?

• ¿Ndáaña kivi keʼún ña̱ va̱ʼa ku̱a̱ʼáka na̱ yiví natúʼún xíʼin nu̱ú íyoún?