“Na̱ ti̱ndaʼa̱ i̱xaa Ndióxi̱...”

Ley ña̱ ta̱xi Jehová ndaʼa̱ ta̱ Moisés xi̱ka̱ʼa̱nña xíʼin ta̱ kúni̱ sandákoo ñá síʼíra ña̱ xíniñúʼu keʼéra iin certificado. Ña̱yóʼo náʼa̱ña ña̱ kǒo kuchiñu kamaní sandákoora ñá síʼíra. Soo tá tiempo ta̱ Jesús, ña̱ sandákoona ñá síʼína su̱ví ña̱ ndeéví níxikuuña nu̱ú na̱ su̱tu̱ vatá, ña̱kán na̱ ta̱a xi̱sandákoona ñá síʼína nda̱a̱ xa̱ʼa iin ña̱ʼa ña̱ kǒo ndáyáʼvi (nwtsty nota ña̱ káʼa̱n xa̱ʼa ña̱ kaʼviyó nu̱ú Mr 10:4: “certificado ña̱ sandákoondi̱ ñá síʼíndi̱”, nota ña̱ káʼa̱n xa̱ʼa ña̱ kaʼviyó nu̱ú Mr 10:11: “ta̱ sándákoo ñá síʼí”, “kíʼvira ku̱a̱chi”). Ta̱ Jesús ni̱ka̱ʼa̱nra mií Jehová kúú ta̱ chi̱ndúʼú xa̱ʼa ña̱ tindaʼa̱ na̱ yiví (Marcos 10:2-12). Na̱ tindaʼa̱ ndáa “iinláva nduuna” ta ndiʼi tiempo koona xíʼin táʼanna nda̱a̱ táki̱ʼva káchi ña̱ va̱xi nu̱ú Mateo, ña̱ Biblia káʼa̱nña kivi sandákoo táʼanna tá iinna ni̱ki̱ʼvi ku̱a̱chi xíʼin na̱ kǒo kúú ñá síʼína á yiína (Mt 19:9).

Tiempo vitin ku̱a̱ʼání na̱ yiví na̱ kǒo ndásakáʼnu Jehová va̱ása chíndayáʼvina ña̱ ti̱ndaʼa̱na chi nda̱a̱ táki̱ʼva xi̱keʼé na̱ fariseo saá kéʼéna. Tá íyo iin ku̱a̱chi nu̱úna ta ndi̱ku̱n sándákoo táʼanna. Soo na̱ sákuaʼa xa̱ʼa Ndióxi̱ ndíku̱nna ña̱ káʼa̱n Biblia tá kǒo sándákoo táʼanna tá íyo ku̱a̱chi nu̱úna. Tándi̱ʼi xi̱tondó video Tá kúʼvi̱-iniyó xíniyó na̱ veʼeyó ta íxato̱ʼóyóna va̱ʼaní kundooyó, ndakuiinndó pregunta yóʼo:

• 

  Tá xa̱a̱ ti̱ndaʼún ¿nda̱saa kivi kundiku̱n consejo ña̱ va̱xi nu̱ú Proverbios 15:1, ta nda̱chun ndáyáʼviní keʼún ña̱yóʼo?

• ¿Nda̱saa kivi chindeé táʼan ña̱ va̱xi nu̱ú Proverbios 19:11 xíʼún ña̱ si̱í koún xíʼin na̱ veʼún?

• Tá ndákanixi̱níndó sandákoo táʼanndó, ¿ndáa ña̱ xíniñúʼu ndakanixi̱níndó ña̱ va̱ʼa ná kǒo sandákoo táʼanndó?

• ¿Nda̱saa kivi chindeé táʼan ña̱ va̱xi nu̱ú Mateo 7:12 xíʼún ña̱ va̱ʼa koún xíʼin yiíún á ñá síʼún?