Ta̱ Jesús nátúʼunra xíʼin iin ñá samaritana

4:6-26, 39-41

¿Ndáaña ke̱ʼé ta̱ Jesús ña̱ va̱ʼa na̱túʼunra xíʼin ndiʼi na̱ yiví?

• 4:7. Ta̱ Jesús va̱ása ndi̱ku̱n níkixaʼára ka̱ʼa̱nra xa̱ʼa Reino ta va̱ása ndi̱ku̱n níka̱ʼa̱ntura ña̱ kúúra ta̱ Mesías, chi ti̱kui̱í kuití ndu̱kúra ña̱ koʼora.

• 4:9. Va̱ása níka̱ʼa̱n ndi̱va̱ʼara xíʼin ñá samaritana xa̱ʼa ña̱ kúúñá ñá inka ñuu.

• 4:9, 12. Tá ki̱vi̱ ki̱xaʼá ñá samaritana káʼa̱nñá xa̱ʼa iin ña̱ kivi saá ta̱ Jesús xíʼin, ta̱ Jesús va̱ása níka̱ʼa̱nra xíʼinñá ña̱ va̱ása va̱ʼa káʼa̱nñá (cf-S pág. 77 párr. 3).

• 4:10. Ta̱ Jesús ki̱xaʼára nátúʼunra xíʼin ñá samaritana, ta xi̱niñúʼura chiñu ña̱ xi̱keʼéñá ndiʼi ki̱vi̱ ña̱ va̱ʼa natúʼunra xíʼinñá.

• 4:16-19. Ni ku̱a̱ʼá ta̱a xi̱kisi̱ñá xíʼin, vií ni̱ka̱ʼa̱n ta̱ Jesús xíʼinñá.

¿Ndáaña sánáʼa̱ ña̱yóʼo miíyó xa̱ʼa ña̱ natúʼunyó nda̱a̱ mííka nu̱ú xíkayó?