Inkáchi ná natúʼunyó xíʼin na̱ yiví ti̱xin territorio ña̱ kúúmiíyó

Va̱ʼaníka xíniso̱ʼo na̱ yiví tu̱ʼun Ndióxi̱ tá nátúʼunyó xíʼinna tu̱ʼun miína. Xa̱ʼa ña̱yóʼo tá ku̱i̱ya̱ 33 tiempo xi̱naʼá, xíʼin tu̱ʼun mií na̱ judío na̱ ke̱e inka ñuu na̱kunda̱a̱-inina xa̱ʼa Jehová, ni sana ku̱a̱ʼání na̱yóʼo xi̱ka̱ʼa̱nvana tu̱ʼun hebreo xíʼin griego (Hch 2:5, 8). Tiempo vitin, íyo sava ñuu nu̱ú ku̱a̱ʼání na̱ congregación íyo ta inkáchi nu̱ú xáʼa̱nna nátúʼunna xa̱ʼa Ndióxi̱ ni xa̱a̱ síín síín tu̱ʼun káʼa̱nna. ¿Ndáaña xíniñúʼu keʼé na̱ publicador yóʼo ña̱ va̱ʼa ndataʼvína territorio ña̱ kúúmiína tasaá va̱ʼaka natúʼunna xíʼin ndiʼi na̱ yiví?

• 

  Ña̱ natúʼun táʼanyó (Pr 15:22): Na̱ superintendente ña̱ servicio xíniñúʼu ka̱ʼa̱nna xíʼin inka na̱ congregación xa̱ʼa territorio ña̱ kúúmiína ña̱ va̱ʼa natúʼunna xíʼin ndiʼi na̱ yiví. Sava na̱ congregación va̱ása kúni̱na ki̱ʼvi inkaka na̱ congregación nu̱ú territorio ña̱ kúúmiína. Soo tá káʼnuní territorio ña̱ kúúmiína ta kǒo kívi natúʼunna xíʼin ndiʼi na̱ yiví kán, sana ka̱ʼa̱nna xíʼinyó ña̱ ná chindeétáʼanyó xíʼinna á ná natúʼunyó xíʼinna tá nda̱ni̱ʼíyó iin na̱ yiví na̱ kúni̱ka sákuaʼa xa̱ʼa Ndióxi̱ (od-S pág. 93 párr. 37). Á sana kivitu ka̱ʼa̱nna xíʼinyó, ña̱ ná chindeétáʼanyó xíʼinna ña̱ nandukúyó na̱ káʼa̱n táʼan tu̱ʼun ña̱ káʼa̱nna, ta sáya̱ʼayó ki̱vi̱ na̱yóʼo ndaʼa̱na ña̱ va̱ʼa ku̱ʼu̱nna kotonana (km-S 7/12 pág. 5, recuadro). Ná ndakaʼányó chi ti̱xin iin veʼe sana ku̱a̱ʼá nu̱ú tu̱ʼun káʼa̱nna. Xíniñúʼu kundiku̱nna ña̱ káʼa̱n na̱ chíñu tá ndákayana ki̱vi̱ na̱ yiví.

• 

  Ña̱ inkáchi kutáʼanyó kachíñuyó (Ef 4:16): Va̱ʼaní ná kundiku̱nyó ña̱ káʼa̱n na̱ superintendente ña̱ servicio xíʼinyó. ¿Á sánáʼa̱yó na̱ yiví na̱ kǒo káʼa̱n táʼan tu̱ʼun ña̱ káʼa̱n na̱ congregación nu̱ú ñúʼuyó? Va̱ʼaníka xa̱a̱na sákuaʼana xa̱ʼa Jehová tá iin na̱ káʼa̱n tu̱ʼun miína ná sanáʼa̱-ñaʼá.

• 

  Ná koo tu̱ʼvayó (Pr 15:28; 16:1): Tá nda̱ni̱ʼún iin na̱ yiví na̱ káʼa̱n inka tu̱ʼun ti̱xin territorio ña̱ kúúmiíún natúʼun xíʼinna xa̱ʼa Ndióxi̱. Ña̱ va̱ʼa koo tu̱ʼvayó ta natúʼunyó xíʼi na̱ yiví, xíniñúʼu ndakanixi̱níyó ndáa tu̱ʼun kúú ña̱ káʼa̱nna ta ndukúyó tutu á video ña̱ íyo tu̱ʼun miína. Kivitu kuniñúʼuyó ña̱ aplicación JW Language ña̱ va̱ʼa sákuaʼayó inka tu̱ʼun ña̱ natúʼunyó xíʼinna.