Sakuaʼaka ña̱ va̱ʼa sanáʼa̱kaún: Sákuaʼa ña̱ kaʼyíún carta

¿NDA̱CHUN XÍNIÑÚʼU KEʼÉYÓÑA? 1 Corintios kúú iin ña̱ 14 carta ña̱ ka̱ʼyí ta̱ Pablo ku̱a̱ʼa̱n nu̱ú na̱ hermano ña̱ chika̱a̱ ndee̱ xíʼinna. Ña̱ keʼéyó á kaʼyíyó iin carta iin ña̱ va̱ʼaní kúú ña̱yóʼo: Iin na̱ káʼyí carta yóʼo xíniñúʼu va̱ʼaní ndakanixi̱nína ndáa ña̱ kaʼyína nu̱úña, ta iin na̱ ndákiʼin ña̱yóʼo kuchiñu ku̱a̱ʼá yichi̱ kaʼvinaña. Xíʼin ña̱yóʼo kuchiñu natúʼunyó xíʼin na̱ veʼeyó, xíʼin na̱ yiví na̱ xíni̱yó, á xíʼin na̱ yiví na̱ kǒo kivi kuni yatinyó. Sava yichi̱ íxayo̱ʼvi̱ña xíʼinyó ña̱ ndani̱ʼíyó na̱ yiví na̱ va̱ʼaní xi̱niso̱ʼo tá na̱túʼunyó xíʼinna, á savatu na̱ yiví kúúmiína veʼena ña̱ kǒo kúchiñu ki̱ʼviyó ta xa̱ʼa̱ ña̱yóʼo kǒo kívi natúʼunyó xíʼinna. ¿Ndáaña xíniñúʼu kiʼinyó kuenta xíʼin tá káʼyíyó iin carta ku̱ʼu̱n nu̱ú iin na̱ yiví na̱ kǒo xíni̱yó?

¿NDÁA KI̱ʼVA KEʼÉYÓÑA?

• 

  Kaʼyí ña̱ carta yóʼo táki̱ʼva kéʼún tá nátúʼun xíʼin iin na̱ yiví saá keʼún, ka̱ʼa̱n xíʼinna nda̱saa naníún, ta ndáa xa̱ʼa̱ kúú ña̱ chi̱ndaʼún carta yóʼo ndaʼa̱na. Kuchiñu kixáʼún ka̱ʼún xa̱ʼa̱ iin pregunta xíʼinna, ta ka̱ʼa̱n xíʼinna xa̱ʼa̱ sitio ña̱ kúúmiíyó nu̱ú Internet. Ta va̱ʼatu ka̱ʼún xíʼinna nda̱saa sánáʼa̱yó na̱ yiví nu̱ú Internet (kǒo ña̱yóʼo tu̱ʼun sáʼán) á kivitu ka̱ʼún xíʼinna xa̱ʼa̱ ña̱ kaʼviyó xíʼin na̱ yiví nda̱a̱ veʼena, ta va̱ʼatu ka̱ʼún xíʼinna xa̱ʼa̱ sava capítulo ña̱ va̱xi nu̱ú tutu ña̱ xíniñúʼuyó tá sánáʼa̱yó na̱ yiví, xíʼin carta yóʼo kivitu chindaʼún iin tarjeta ña̱ va̱ʼa ki̱ʼvina nu̱ú Internet á iin tratado á iin invitación ndaʼa̱na.

• Loʼo ka̱ʼún xíʼinna. Sana na̱ yiví yóʼo kǒo kuni̱kana kaʼvina ndiʼi ña̱ ka̱ʼyíún nu̱ú carta ña̱ chi̱ndaʼún ndaʼa̱na (koto carta ña̱ kundiku̱n nda̱saa kaʼyíúnña).

• Kotoún á va̱ʼa ka̱ʼyíún ña̱ carta yóʼo, ña̱ kǒo ixayo̱ʼvi̱ña xíʼin na̱ kaʼviña ta va̱ʼaní ná ka̱ʼa̱nña, ta xíʼin ña̱ to̱ʼó ná ka̱ʼa̱nyó xíʼinna. Ña̱ va̱ʼa ná kǒo chaʼvína ña̱ ndakiʼinna carta yóʼo xíniñúʼu chaʼviún xa̱ʼa̱ña.