Carta ña̱ kundiku̱n

• Kaʼyí dirección nu̱ú íyoún nu̱úña. Tá va̱ása va̱ʼa túviún, ka̱ʼa̱n xíʼin na̱ anciano á kuchiñu kaʼyíún dirección Salón ña̱ Reino nu̱úña. Nda̱a̱ ni iin yichi̱ VA̱ÁSA kuniñúʼún dirección ña̱ Betel ña̱ kaʼyíún nu̱úña.

• Tá xíni̱ún ki̱vi̱ na̱ yiví kán, kuniñúʼu ña̱yóʼo ña̱ ka̱ʼún xíʼinna, tasaá kǒo ndakanixi̱nína ña̱ chi̱ndaʼá iin na̱ íxi̱kó kúúña.

• Kotoún á va̱ʼa ni̱ka̱ʼyi̱ña, á kúúmiíña coma á ndiʼiña xíʼin punto. Xíniñúʼu kiʼún kuenta ña̱ va̱ása yaku̱a̱ koo ña̱ carta yóʼo. Tá miíún ka̱ʼyíña kotoún á va̱ʼa ni̱ka̱ʼyi̱ña á kunda̱a̱-inina xíʼinña. Ki̱ʼvaní ná koo ña̱ ka̱ʼún xíʼinna.

Nu̱ú carta ña̱ kundiku̱n yóʼo va̱xi sava ña̱ kivi chindeétáʼan xíʼún. Tá kúni̱ún kaʼyíún iin carta ña̱ ku̱ʼu̱n nu̱ú iin na̱ yiví ñuu nu̱ú íyoún, va̱ása kaʼyíún iin tá iin tu̱ʼun ña̱ va̱xi nu̱ú carta yóʼo. Ta kotoún costumbre ña̱ kúúmiína xíʼin ndáa ña̱ ndóʼona ta nda̱chun kúni̱ún chindaʼúnña ndaʼa̱na.