¿Ndáaña ndakanixi̱ní Jehová?

Tá kúma̱níka ndaka̱xinyó iin ña̱ keʼéyó, ni iin ña̱ ndeé kúúña á su̱ví ña̱ ndeé kúúña, ¿á ndáka̱tu̱ʼunyó miíyó ndáaña ndakanixi̱ní Jehová xa̱ʼa̱ña? Ña̱ nda̱a̱ kúúña va̱ása xa̱a̱yó kunda̱a̱-iniyó xa̱ʼa̱ ndiʼi ña̱ ndákanixi̱ní Jehová, soo nu̱ú tu̱ʼunra káʼa̱nra xíʼinyó ndáaña xíniñúʼu keʼéyó ña̱ va̱ʼa koo tu̱ʼvayó keʼéyó nda̱a̱ ndáaka chiñu (2Ti 3:16, 17; Ro 11:33, 34). Ta̱ Jesús na̱kunda̱a̱ káxi va̱ʼa inira ndáaña kútóo Jehová ta ña̱kán kúú ña̱ xi̱ndi̱ʼi̱ va̱ʼaka inira xa̱ʼa̱ (Jn 4:34). Nda̱a̱ táki̱ʼva i̱xaa ta̱ Jesús, saátu miíyó ná chika̱a̱yó ndee̱ ña̱ ndiʼi ña̱ ndáka̱xinyó ná sákusi̱íña-ini Jehová (Jn 8:28, 29; Ef 5:15-17).

TÁNDI̱ʼI XI̱TONDÓ VIDEO NÁ NDA̱KA̱TU̱ʼUNKAYÓ MIÍYÓ NDÁAÑA KÚÚ ÑA̱ KÚTÓO JEHOVÁ (LE 19:18), NDAKUIINNDÓ PREGUNTA YÓʼO:

• ¿Nda̱chun xíniñúʼu keʼéyó ndiʼi ña̱ sákuaʼayó nu̱ú tu̱ʼun Ndióxi̱?

• ¿Ndáaña va̱xi nu̱ú tu̱ʼun Ndióxi̱ kúú ña̱ kivi chindeé miíyó tá ndáka̱xinyó yaa ña̱ kuniso̱ʼoyó?

• ¿Ndáaña va̱xi nu̱ú tu̱ʼun Ndióxi̱ kúú ña̱ xíniñúʼu kiʼinyó kuenta xíʼin tá ndáka̱xinyó ti̱ko̱to̱ ña̱ kundixiyó á ña̱ ndasaviíyó miíyó?

• ¿Ama kúúña xíniñúʼuka kundiku̱nyó ña̱ va̱xi nu̱ú tu̱ʼun Ndióxi̱?

• ¿Ndáaña keʼéyó ña̱ va̱ʼaka kunda̱a̱-iniyó ndáaña kúú ña̱ kútóo Jehová?