“Sandíʼi-xa̱ʼa̱ndó ndióxi̱ vatá”

Ta̱ Jacob xi̱kunda̱a̱-inira ña̱ iinlá mií Jehová kúú ta̱ xi̱niñúʼu ndukáʼnu, ta ni ta̱ʼán koo iin ley ña̱ káʼa̱n xa̱ʼa̱ ña̱ va̱ása xíniñúʼu ndasakáʼnuna inka ndióxi̱ (Éx 20:3-5). Tá ni̱ka̱ʼa̱n Jehová xíʼinra ña̱ ndikóra chí Betel, ta̱ Jacob ni̱ka̱ʼa̱nra xíʼin na̱ veʼera xíʼin ndiʼi na̱ káchíñu nu̱úra ña̱ ná sandíʼi-xa̱ʼa̱na ndiʼi imagen ña̱ kúúmiína. Xa̱ʼa̱ ña̱kán ta̱ Jacob sa̱ndúxu̱nra ndiʼi ña̱ imagen, xíʼin ndiʼi siki̱ so̱ʼo ña̱ xi̱kuumiína, sana ña̱yóʼo kúú ña̱ xi̱xiniñúʼuna ña̱ va̱ʼa chindeétáʼanña xíʼinna (Gé 35:1-4). Ku̱tóoní Jehová ña̱ ke̱ʼé ta̱ Jacob.

Ta tiempo vitin, ¿ndáa ña̱ xíniñúʼu keʼéyó ña̱ iinlá Jehová ndasakáʼnuyó? Ña̱ nu̱ú, xíniñúʼu kiʼinníyó kuenta ña̱ va̱ása ndasakáʼnuyó inka ndióxi̱, saátu va̱ása keʼéyó ña̱ tási. Xíʼin ña̱yóʼo kúnda̱a̱-iniyó, tá kúúmiíyó sava ña̱yóʼo ná sandíʼi-xa̱ʼa̱yóña chi kuenta na̱ ta̱chí ndi̱va̱ʼa kúúña, ta ná kiʼinníyó kuenta ndáa programa kúú ña̱ xítonde̱ʼéyó á ña̱ʼa ña̱ sísikíyó xíʼin. Xa̱ʼa̱ ña̱kán ná nda̱ka̱tu̱ʼúnyó miíyó: “¿Á káʼvii̱ libro ta xítonde̱ʼíi̱ película nu̱ú kée vampiro, saátu nu̱ú kée na̱ zombi xíʼin nu̱ú kée na̱ kúúmií ndee̱? ¿Á sísikíi̱ xíʼin sava ña̱ʼa ña̱ kúúmií magia saátu xítonde̱ʼíi̱ sava nu̱ú kée na̱ yiví na̱ chíka̱a̱ ña̱ tási sa̱tá inka na̱ yiví?”. Xíniñúʼu kuxíkayó nu̱ú ndiʼi ña̱ʼa ña̱ sáa̱-ini Jehová xínira (Sl 97:10).

TÁNDI̱ʼI XI̱TONDÓ VIDEO “KǑO TAXINDÓ SÁNDAKAVA TA̱ NDI̱VA̱ʼA NDÓʼÓ”, NDAKUIINNDÓ PREGUNTA YÓʼO:

• 

  Iin ñá káʼvi Biblia ñá naní Palesa, ¿ndáa tu̱ndóʼo kúú ña̱ kúúmiíñá?

• 

  ¿Nda̱chun xíniñúʼu ka̱ʼa̱nyó xíʼin na̱ anciano ña̱ ná chindeétáʼanna xíʼinyó tá kéʼé na̱ ta̱chí ndi̱vaʼa ña̱ va̱ása va̱ʼa xíʼinyó?

• 

  Tá kúni̱yó ña̱ ná kundaa Jehová miíyó, ¿ndáa ña̱ʼa kúú ña̱ xíniñúʼu sandíʼi-xa̱ʼa̱yó?

• ¿Ndáa ña̱ʼa ña̱ ndáyáʼviní kúú ña̱ nda̱kaxin ñá Palesa keʼéñá?

• Nu̱ú íyoún, ¿ndáa ña̱ xíniñúʼu keʼún ña̱ va̱ʼa kuxíkaún nu̱ú na̱ ta̱chí ndi̱vaʼa?