¿Ndáa ña̱ sákuaʼayó xíʼin ña̱ kéʼé na̱ hermano na̱ xa̱a̱ ku̱a̱ʼání tiempo ñúʼu ti̱xin ñuu Ndióxi̱?

Íyo ku̱a̱ʼá na̱ hermano na̱ xa̱a̱ ku̱a̱ʼání ku̱i̱ya̱ ñúʼu ti̱xin ñuu Ndióxi̱, ta va̱ʼaní ndásakáʼnuna Jehová, ta ku̱a̱ʼání ña̱ sákuaʼayó xíʼin ña̱ kéʼéna. Ná nda̱ka̱tu̱ʼúnyóna ndáa ki̱ʼva ni̱xi̱yo na̱ ñuu Ndióxi̱ tiempo xi̱naʼá, ta ndáa ña̱ i̱xayo̱ʼvi̱ xíʼinna. Tá káʼviyó xíʼin na̱ veʼeyó, ná kanayó na̱ hermano yóʼo ña̱ kaʼvina xíʼinyó, tasaá ka̱ʼa̱nna xíʼinyó ndáa ki̱ʼva ni̱ya̱ʼana nu̱ú tu̱ndóʼo.

Tá xa̱a̱ ku̱a̱ʼa̱ní ku̱i̱ya̱ ndásakáʼnún Jehová, natúʼún xíʼin na̱ válíka nu̱ún ndáa ki̱ʼva chíndeétáʼan Jehová xíʼún. Ta̱ Jacob xíʼin ta̱ José na̱túʼunna xíʼin se̱ʼena ndáa ki̱ʼva chi̱ndeétáʼan Jehová xíʼinna (Gé 48:21, 22; 50:24, 25). Tá ni̱ya̱ʼa tiempo Jehová ni̱ka̱ʼa̱nra xíʼin na̱ ñuu Israel ña̱ ná natúʼunna xíʼin se̱ʼena xa̱ʼa̱ ndiʼi ña̱ ke̱ʼéra ña̱ va̱ʼa sa̱kákurana (Dt 4:9, 10; Sl 78:4-7). Na̱ hermano xíʼin na̱ íyo se̱ʼe kivi natúʼunna xíʼin na̱ válíka, xa̱ʼa̱ ndiʼi ña̱ va̱ʼa kéʼé Jehová xíʼin na̱ ñuura tiempo vitin.

TÁNDI̱ʼI XI̱TONDÓ VIDEO VA̱ʼANÍ XI̱TÁʼANNA NI XI̱NDIKU̱NNA SA̱TÁNA, NDAKUIINNDÓ PREGUNTA YÓʼO:

• ¿Ndáa ki̱ʼva chi̱ndeétáʼan Betel ña̱ Austria xíʼin na̱ hermano na̱ íyo ñuu nu̱ú va̱ása táxina natúʼunna xa̱ʼa̱ Ndióxi̱?

• ¿Ndáa ña̱ ke̱ʼé na̱ hermano yóʼo ña̱ ndakúka koo ña̱ kándíxana Ndióxi̱?

• ¿Nda̱chun ku̱a̱ʼaní na̱ publicador ña̱ ñuu Rumania, nda̱koona ña̱ kitáʼanna xíʼin na̱ ñuu Ndióxi̱, ta ndáa ña̱ chi̱ndeétáʼan xíʼinna ña̱ ndi̱kótukuna?

• ¿Ndáa ki̱ʼva chíndeétáʼan ña̱ video yóʼo xíʼún ña̱ va̱ʼaníka kandíxaún Ndióxi̱?