Ndiʼiyó kivi natúʼunyó ta sanáʼa̱yó na̱ yiví

Tá xa̱ʼa̱, ta̱ Moisés xi̱ndakanixi̱níra ña̱ va̱ása kuchiñura keʼéra chiñu ña̱ ta̱xi Ndióxi̱ ndaʼa̱ra (Éx 4:10, 13). ¿Á saá ndóʼún sava yichi̱? ¿Á káʼviún xíʼin na̱ testigo Jehová ta ndákanixi̱níún ña̱ va̱ása kuchiñún xa̱ún natúʼún xíʼin na̱ yiví veʼe tá veʼe? ¿Á iin ta̱ loʼo kúún ta yíʼviún ka̱ʼún xa̱ʼa̱ Jehová xíʼin na̱ káʼvi xíʼún? ¿Á íxayo̱ʼvi̱ña xíʼún ña̱ natúʼún xíʼin na̱ yiví xíʼin teléfono á ña̱ natúʼún xa̱ʼa̱ Ndióxi̱ nu̱ú íyo ku̱a̱ʼání na̱ yiví? Ka̱ʼa̱n xíʼin Jehová ná taxira espíritu santora ndaʼún (1Pe 4:11). Va̱ása nandósóún ña̱ mií Jehová kúú ta̱ chindeétáʼan xíʼún ña̱ va̱ʼa saxínún ndiʼi chiñu ña̱ taxira ndaʼún (Éx 4:11, 12).

TÁNDI̱ʼI XI̱TONDÓ VIDEO VA̱ÁSA YI̱ʼVÍNDÓ, NDÓʼÓ NA̱ PUBLICADOR, NDAKUIINNDÓ PREGUNTA YÓʼO:

• ¿Ndáa tu̱ndóʼo ni̱ya̱ʼa ñá hermana Aoyama nu̱ú?

• ¿Ndáaña ke̱ʼéñá ña̱ ndakú ni̱xi̱yo iniñá ta va̱ása níyi̱ʼvíñá? (Jer 20:7-9).

• ¿Ndáa ña̱ va̱ʼa nda̱kiʼinñá xa̱ʼa̱ ña̱ chi̱ka̱a̱níñá ndee̱ ña̱ ku̱a̱ʼáka chiñu ke̱ʼéñá nu̱ú Jehová?

• ¿Ndáa tu̱ndóʼo kúú ña̱ kúúmiíún ti̱xin predicación?, ta ¿ndáa ki̱ʼva chindeétáʼan Jehová xíʼún ña̱ ya̱ʼún nu̱ú ña̱yóʼo?