Iin ña̱ náʼa̱ ña̱ táxi Jehová bendición ndaʼa̱yó

8:6-9, 12; 9:1-5, 23, 24

Jehová chi̱ndaʼára ñuʼu̱ ña̱ kaʼmiña ña̱ ofrenda. Tasaá kúú ña̱ ni̱na̱ʼa̱ra ña̱ kúsi̱í-inira ña̱ nda̱kaxinna ña̱ xa̱a̱ koo su̱tu̱, ta ni̱ka̱ʼa̱nra xíʼin na̱ ñuu Israel ña̱ saátu ná keʼé na̱yóʼova. Tiempo vitin, Jehová xíniñúʼura ta̱ Jesucristo ña̱ kúúra su̱tu̱ káʼnu chí ndiví (Heb 9:11, 12). Tá ku̱i̱ya̱ 1919, ta̱ Jesús nda̱kaxinra iin tiʼvi na̱ ku̱ʼu̱n chí ndiví, na̱ kúú esclavo na̱ nda̱kúní-ini na̱ ndíchiní (Mt 24:45). ¿Ndáaña náʼa̱ ña̱ mií Jehová táxi bendición ndaʼa̱ na̱ esclavo yóʼo ta saátu chíndeétáʼanra xíʼina?

• Na̱ esclavo yóʼo va̱ása ndákoona ña̱ tavána tutu ña̱ chindeétáʼanna xíʼinyó á ña̱ sanáʼa̱na miíyó xa̱ʼa̱ Ndióxi̱ ni íyoní na̱ sáxo̱ʼvi̱ miíyó.

• Ta xa̱a̱ iníísaá nu̱ú ñuʼú yóʼo nátúʼunna tu̱ʼun va̱ʼa ña̱ káʼa̱n xa̱ʼa̱ Reino Ndióxi̱, nda̱a̱ táki̱ʼva káʼa̱n ña̱ va̱xi nu̱ú Biblia (Mt 24:14).

¿Ndáa ki̱ʼva chíndeétáʼanyó xíʼin na̱ kúú esclavo na̱ nda̱kúní-ini na̱ ndíchiní?