Viíní ná keʼéyó xíʼin ná hermana ná xa̱a̱ chée ta saátu xíʼin ná válíka

Tu̱ʼun Ndióxi̱ káʼa̱nña xíʼinyó ña̱ nda̱a̱ táki̱ʼva kéʼéyó xíʼin na̱ yiváyó saá ná keʼéyó xíʼin na̱ hermanoyó na̱ xa̱a̱ chée, ta nda̱a̱ táki̱ʼva kéʼéyó xíʼin ku̱ʼvayó á ñaniyó saá ná keʼéyó xíʼin na̱ hermanoyó na̱ válíka (kaʼvi 1 Timoteo 5:1, 2). Ta na̱ ta̱a kúú na̱ xíniñúʼuníka ixato̱ʼó ná hermana ta vií keʼéna xíʼinná.

Iin ta̱ hermano xíniñúʼu kiʼinra kuenta ndáa ki̱ʼva kéʼéra xíʼin ná hermana ña̱ va̱ása xa̱a̱ná ndakanixi̱níná ña̱ kútóoraná (Job 31:1). Tá iin ta̱ hermano va̱ása ndákanixi̱níra ña̱ tindaʼa̱ra, va̱ása xíniñúʼu ixavatára xíʼin iin ñá hermana chi ñáyóʼo kivi kixáʼañá ndakanixi̱níñá ña̱ kútóorañá, soo su̱ví ña̱ nda̱a̱ kúúña ta kivi kusuchí-iniñá.

Na̱ anciano xíniñúʼu viíní kuniso̱ʼona ná hermana tá ndáka̱tu̱ʼunná xa̱ʼa̱ iin ña̱ʼa á tá nátúʼunná xíʼinna xa̱ʼa̱ iin ña̱ xíniñúʼuná. Ta saátu viíní xíniñúʼu keʼéna xíʼin ná hermana ná kǒo yií (Rut 2:8, 9).

TÁNDI̱ʼI XI̱TONDÓ VIDEO ÑA̱ NANÍ NÁ NA̱ʼA̱YÓ TI̱XIN CONGREGACIÓN ÑA̱ KÚʼVI̱-INIYÓ XÍNIYÓ: NÁ NI̱XI̱ʼI̱ YIÍ XÍʼIN NA̱ NI̱XI̱ʼI̱ YIVÁ, NDAKUIINNDÓ PREGUNTA YÓʼO:

• 

  ¿Ndáa ki̱ʼva ni̱na̱ʼa̱ na̱ congregación ña̱ kúʼvi̱-inina xínina ñá hermana Myint?

• 

  Xa̱ʼa̱ ña̱ ni̱na̱ʼa̱ na̱ hermano ña̱ kúʼvi̱-inina xínina ñá hermana yóʼo, ¿ndáa ki̱ʼva chi̱ndeétáʼan ña̱yóʼo xíʼin na̱ yiví na̱ íyo yatin xíʼinñá?

• 

  Xa̱ʼa̱ ña̱ ni̱na̱ʼa̱ na̱ hermano ña̱ kúʼvi̱-inina xíninañá, ¿ndáa ki̱ʼva chi̱ndeétáʼan ña̱yóʼo xíʼin ná válí se̱ʼeñá?

¿Ndáa ki̱ʼva na̱ʼún ña̱ ndíʼi̱-iniún xa̱ʼa̱ ná hermana ná íyo ti̱xin congregación?