“Ka̱ʼa̱n xíʼin ndiʼina ña̱ xa̱a̱ ku̱yatin kooyó nu̱ú ñuyǐví xa̱á”

Yo̱o̱ noviembre chika̱a̱níyó ndee̱ ña̱ ka̱ʼa̱nyó xíʼin na̱ yiví ña̱ si̱lóʼoní kúma̱ní ta kooyó nu̱ú ñuyǐví xa̱á (Sl 37:10, 11; Ap 21:3-5). ¿Á kivi taváyó tiempo ña̱ va̱ʼa natúʼunyó xíʼin na̱ yiví tá ná kixáʼa campaña yóʼo? Na̱ kúni̱ koo precursor auxiliar yo̱o̱ yóʼo kivi ndataxina 30 á 50 hora.

Tá ná koo ña̱ campaña yóʼo, kivi kaʼviún iin texto ña̱ káʼa̱n xa̱ʼa̱ ñuyǐví xa̱á nu̱ú na̱ yiví. Tá ná ndaka̱xiún texto ña̱ kaʼviún nu̱úna, ndakanixi̱ní xa̱ʼa̱ ña̱ kútóona kuniso̱ʼona. Tá va̱ʼaní xi̱niso̱ʼona ña̱ na̱túʼún xíʼinna yichi̱ nu̱ú, taxi iin revista ndaʼa̱na, ña̱ La Atalaya (edición para el público) número 2 ña̱ ku̱i̱ya̱ 2021. Kama ndikóún ka̱ʼún xíʼin na̱ yiví yóʼo, ta kivi kixáʼún kaʼviún xíʼinna folleto ña̱ naní Kivi koo si̱íún vitin ta saátu chí nu̱únínu. Kúsi̱íní-iniyó saáchi natúʼunyó xíʼin na̱ yiví xa̱ʼa̱ ña̱ káʼa̱n Ndióxi̱ taxira ndaʼa̱na chí nu̱únínu (Is 52:7).

TÁNDI̱ʼI XI̱TONDÓ VIDEO ÑA̱ NANÍ ÑUYǏVÍ ÑA̱ NDÁTUYÓ, NDAKUIINNDÓ PREGUNTA YÓʼO:

• ¿Ndáaña ndákanixi̱ní ñá loʼo yóʼo xa̱ʼa̱?

• ¿Ndáaña kúni̱níún ndakiʼún ti̱xin ñuyǐví xa̱á?

• Tá ná ndakanixi̱níún xa̱ʼa̱ ñuyǐví xa̱á, ¿ndáa ki̱ʼva chindeétáʼanña xíʼún natúʼun xíʼin na̱ yiví tá ná koo campaña yo̱o̱ noviembre? (Lu 6:45).