¿Ndáaña xíniñúʼu keʼé ná hermana ña̱ va̱ʼa ku̱a̱ʼáka chiñu keʼéná?

Ku̱a̱ʼání chiñu kéʼé ná hermana nu̱ú Ndióxi̱ (Sl 68:11). Náyóʼo káʼviná xíʼin ku̱a̱ʼání na̱ yiví, ta ku̱a̱ʼáníná kúúná precursora regular. Savaná káchíñuná ti̱xin Betel, kúúná misionera, káchíñuná nu̱ú íxava̱ʼana veʼe ña̱ ndásakáʼnuyó Ndióxi̱ á kúútuná traductora. Ta ná hermana ná xa̱a̱ xu̱xa-ini xíʼin tu̱ʼun Ndióxi̱ va̱ʼaní chíndeétáʼanna xíʼin na̱ veʼená saátu xíʼin na̱ congregación (Pr 14:1). Ni va̱ása kívi kooná anciano á siervo ministerial, soo kiviva chika̱a̱-ininá keʼéná inkaka chiñu. Ña̱kán, ¿ndáaña kivi keʼéka ndóʼó ná hermana xa̱ʼa̱ Jehová?

• Chika̱a̱-inindó kuumiíndó ña̱ va̱ʼa ña̱ kúni̱ Ndióxi̱ ná kuumiíndó (1Ti 3:11; 1Pe 3:3-6).

• Chindeétáʼanndó xíʼin ná hermana ná sa̱kán kíxáʼa sákuaʼa xa̱ʼa̱ Ndióxi̱ (Tit 2:3-5).

• Ku̱a̱ʼáka tiempo natúʼunndó xíʼin na̱ yiví xa̱ʼa̱ Ndióxi̱, ta viíka keʼéndó ña̱yóʼo.

• Sakúaʼandó inka tu̱ʼun.

• Kivi ku̱ʼu̱nndó koondó nu̱ú xíniñúʼukana na̱ publicador.

• Sandákutúndó solicitud ña̱ va̱ʼa kachíñundó Betel á kachíñundó nu̱ú kúva̱ʼa veʼe nu̱ú ndasakáʼnuyó Jehová.

• Sandákutúndó solicitud ña̱ va̱ʼa ku̱ʼu̱nndó Escuela nu̱ú Sákuaʼa na̱ Nátúʼun xa̱ʼa̱ ña̱ Kaʼndachíñu Ndióxi̱.

TÁNDI̱ʼI XI̱TONDÓ VIDEO ÑA̱ NANÍ “NÁ ÑAʼÁ NÁ KÁCHÍÑU NU̱Ú JEHOVÁ”, NDAKUIINDÓ PREGUNTA YÓʼO:

• ¿Ndáa ki̱ʼva chi̱ka̱a̱ ná hermana yóʼo ndee̱ xíʼún?