Campaña ña̱ ndáyáʼviní ña̱ koo yo̱o̱ septiembre ña̱ natúʼunna xa̱ʼa̱ Reino Ndióxi̱

Ña̱ yo̱o̱ septiembre, chika̱a̱níyó ndee̱ ña̱ natúʼunyó xa̱ʼa̱ Reino Ndióxi̱ xíʼin na̱ yiví, ta ka̱ʼa̱nyó xíʼinna ña̱ iinlá Reino yóʼo kúú ña̱ kuchiñu sándiʼi-xa̱ʼa̱ ndiʼi ña̱ sáxo̱ʼvi̱ na̱ yiví (Mt 24:14). ¿Ndáaña kivi keʼún tá ná kixáʼa ña̱ campaña yóʼo? Ti̱xin ña̱ yo̱o̱ yóʼo, kaʼvi texto ña̱ káʼa̱n xa̱ʼa̱ Reino Ndióxi̱ nu̱ú ku̱a̱ʼání na̱ yiví. Tá va̱ʼaní xi̱niso̱ʼona ña̱ ni̱ka̱ʼún xíʼinna, kivi taxiún ña̱ La Atalaya ndaʼa̱na, ña̱ número 2 ña̱ ku̱i̱ya̱ 2020 (edición para el público). Ta ndi̱ku̱n ndikóún nu̱úna ta kixáʼún kaʼviún xíʼinna xíʼin folleto ña̱ naní Kivi koo si̱íún vitin ta saátu chí nu̱únínu. Na̱ kúú precursor auxiliar ña̱ yo̱o̱ septiembre, kivi ndataxina 15 á 30 hora.

Si̱lóʼoní kúma̱ní ta kixaa̱ Reino Ndióxi̱ ña̱ sandíʼi-xa̱ʼa̱ña na̱ chíñu na̱ íyo nu̱ú ñuʼú yóʼo (Da 2:44; 1Co 15:24, 25). Ña̱kán ná chika̱a̱níyó ndee̱ ña̱ na̱ʼa̱yó ña̱ nda̱kú íyo iniyó xíʼin Jehová ta saátu xíʼin Reinora tá ná kixaa̱ ña̱ campaña yóʼo.