10-16 TÍ MARZO
PROVERBIOS 4
Yaa 36 xíʼin oración | Ña̱ ka̱ʼa̱nna tá ná kixáʼa reunión (1 min.)
Na̱ ndáa yéʼé kámaní ndákasina chi xítona ña̱ va̱xi na̱ sáa̱-ini xíni miína.
1. “Kundaa níma̱ún”
(10 min.)
Tá káʼa̱n Biblia xa̱ʼa̱ “níma̱yó”, xa̱ʼa̱ miíyó káʼa̱nña (Sl 51:6; w19.01 15 párr. 4).
Xíniñúʼu kiʼinníyó kuenta xíʼin ña̱ ndákanixi̱níyó (Pr 4:23a; w19.01 17 párr. 10, 11; 18 párr. 14; koto chí nu̱ú kíxáʼa tutu yóʼo).
Tá vií ndákanixi̱níyó ta vií íyo ña̱ kéʼéyó va̱ʼaní kooyó (Pr 4:23b; w12-S 1/5 32 párr. 2).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Pr 4:18. ¿Ndáa ki̱ʼva chíndeétáʼan versículo yóʼo xíʼinyó ña̱ kunda̱a̱-iniyó ndáaña kéʼé iin na̱ yiví tá xa̱a̱ sákuaʼana xa̱ʼa̱ Jehová? (w21.08 8 párr. 4).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) 2Te 1:1-12 (th lección 12).
4. Kixáʼa natúʼun xíʼin na̱ yiví
(3 min.) TÁ KU̱A̱ʼÚN VEʼE TÁ VEʼE. Tá ta̱xiún invitación ña̱ Conmemoración ndaʼa̱ na̱ yiví, ni̱ka̱ʼa̱nna xíʼún ña̱ kúni̱kana sakúaʼana xa̱ʼa̱ Ndióxi̱ (lmd lección 1 punto 5).
5. Kixáʼa natúʼun xíʼin na̱ yiví
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ka̱ʼa̱n xíʼin iin na̱ xíni̱ún ña̱ ku̱ʼu̱nna Conmemoración (lmd lección 2 punto 3).
6. Ndakani xa̱ʼa̱ ña̱ kándíxaún
(5 min.) Escenificación. ijwfq-S artículo 19. Ña̱ naní: ¿Nda̱chun kǒo kéʼé na̱ testigo Jehová ña̱ naní Domingo de Pascua? (lmd lección 3 punto 4).
Yaa 16
7. Ña̱ xa̱a̱ kéʼé na̱ ñuu Ndióxi ña̱ kotoyó yo̱o̱ marzo
(10 min.) Chikaa̱ VIDEO.
8. Sábado 15 tí marzo kixáʼa campaña ña̱ Conmemoración
(5 min.) Ña̱ taxi ta̱ superintendente ña̱ servicio. Ka̱ʼa̱n xíʼin na̱ congregación ndáaña keʼéna ña̱ va̱ʼa xaxána invitación, saátu ndáa ki̱ʼva koo discurso especial xíʼin ña̱ Conmemoración. Ka̱ʼa̱n xíʼinna ña̱ ku̱a̱ʼáka ki̱vi̱ ná keena natúʼunna xíʼin na̱ yiví xa̱ʼa̱ Ndióxi̱ yo̱o̱ marzo xíʼin abril.
9. Estudio ña̱ congregación
(30 min.) bt cap. 23 párr. 16-19 xíʼin recuadro ña̱ pág. 188.