17-23 TÍ MARZO
PROVERBIOS 5
Yaa 122 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Kǒo ku̱su̱n xíʼin na̱ kǒo nítindaʼa̱ xíʼún
(10 min.)
Na̱ xa̱a̱ ti̱ndaʼa̱ kǒo xíniñúʼu ku̱su̱nna xíʼin inkana, soo ni kúúna na̱ kúa̱an á na̱ xa̱a̱ ti̱ndaʼa̱ tá kǒo kíʼinna kuenta nda̱a̱ kivi xa̱a̱na keʼéna ña̱ kini yóʼo (Pr 5:3; w00-S 15/7 29 párr. 1).
Tá kísi̱na xíʼin na̱ kǒo nítindaʼa̱ xíʼinna kíʼvina ku̱a̱chi kini, ta ku̱a̱ʼání ña̱ va̱ása va̱ʼa ndóʼona xa̱ʼa̱ ña̱yóʼo (Pr 5:4, 5; w00-S 15/7 29 párr. 2).
Kǒo ku̱su̱n xíʼin na̱ kǒo nítindaʼa̱ xíʼún (Pr 5:8; w00-S 15/7 29 párr. 5).
Iin ñá loʼo ñá kúú testigo Jehová kǒo xíínñá taxiñá número teléfonoñá ndaʼa̱ iin ta̱ loʼo.
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Pr 5:18, 19. ¿Ndáaña káʼa̱n Jehová xa̱ʼa̱ ña̱ kísi̱ xíʼin táʼanna? (lff lección 41 punto 1).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) 1Ti 2:1-15 (th lección 5).
4. Kixáʼa natúʼun xíʼin na̱ yiví
(3 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Ka̱ʼa̱n xíʼin iin na̱ yiví na̱ kǒo xíni̱ va̱ʼa xa̱ʼa̱ Ndióxi̱ ña̱ ná ku̱ʼu̱nna Conmemoración. Sanáʼa̱na ndáa ki̱ʼva nandukúna nu̱ú jw.org iin lugar nu̱ú kivi ku̱ʼu̱nna (lmd lección 6 punto 4).
5. Ndikó nu̱úna
(4 min.) TÁ KU̱A̱ʼÚN VEʼE TÁ VEʼE. Ndi̱kó tukún nu̱ú iin na̱ yiví na̱ xa̱a̱ ta̱xiún iin invitación ndaʼa̱ (lmd lección 9 punto 5).
6. Ná xa̱a̱na ndasakáʼnuna Ndióxi̱
(5 min.) lff lección 16 ña̱ xa̱a̱ sa̱kuaʼayó, ná ndakaʼányó xa̱ʼa̱ ña̱yóʼo, xíʼin ña̱ naní Kivi keʼún ña̱yóʼo. Na̱ káʼviún xíʼin ndáka̱tu̱ʼúnna yóʼó á ti̱ndaʼa̱ ta̱ Jesús. Sanáʼa̱ miína ndáa ki̱ʼva nandukúna xa̱ʼa̱ ña̱ kúni̱na kunda̱a̱-inina (lmd lección 11 punto 4).
Yaa 121
7. Chikaa̱ndó ndee̱ ña̱ kǒo keʼéndó ña̱ kini tá xíka xíʼin táʼanndó
(15 min.) Ka̱ʼa̱n ta ná ka̱ʼa̱nna.
Tá iin ñaʼá xíʼin iin ta̱a kútóo táʼanna ta ku̱a̱ʼá tiempo kítáʼan xíʼin táʼanna na̱ xa̱a̱ xíka xíʼin táʼanva kúúna. Sana kéena xíʼin ku̱a̱ʼá na̱ yiví á kée mitúʼunna, sava yichi̱ xíni̱ na̱ yiví ña̱ xíka xíʼin táʼanna ta savatu kǒo xíni̱vína, káʼa̱nna xíʼin teléfono á chíndaʼána mensaje nu̱ú táʼanna. Soo, miíyó na̱ testigo Jehová kǒo ndákanixi̱níyó ña̱ iin si̱ki kúú ña̱yóʼo, chi tá xíka xíʼin táʼanna xíniñúʼu ndakanixi̱nína ña̱ tindaʼa̱na. Ni loʼún á xa̱a̱ chéún, ¿ndáaña xíniñúʼu keʼún ña̱ va̱ʼa kǒo ku̱su̱n xíʼin na̱ xíkaún xíʼin? (Pr 22:3).
Chikaa̱ VIDEO ¿Ndáaña kivi keʼún tá kúni̱ún tindaʼún? Táʼví 1: ¿Á xa̱a̱ íyo tu̱ʼvai̱ ña̱ kakai̱ xíʼin iinna? (iin táʼvíña). Tándi̱ʼi keʼé pregunta ña̱ va̱xi yóʼo:
¿Nda̱chun kǒo xíniñúʼu kaka xíʼin táʼanna tá kǒo íyo tu̱ʼvana ña̱ tindaʼa̱na? (Pr 13:12; Lu 14:28-30).
¿Ndáaña ni̱kutóokaún ke̱ʼé na̱ yivá ñá loʼo yóʼo ña̱ va̱ʼa chindeétáʼanna xíʼinñá?
Kaʼvi Proverbios 28:26. Tándi̱ʼi keʼé pregunta ña̱ va̱xi yóʼo:
¿Ndáaña xíniñúʼu keʼé na̱ xíka xíʼin táʼan ña̱ va̱ʼa kǒo kindo̱o mitúʼunna iin lugar ta ki̱ʼvina ku̱a̱chi nu̱ú Ndióxi̱?
¿Nda̱chun ndáyáʼviní ya̱chi̱ka natúʼun na̱ xíka xíʼin táʼan á tiin ndaʼa̱ táʼanna á chitó yuʼú-táʼanna?
Kaʼvi Efesios 5:3, 4. Tándi̱ʼi keʼé pregunta ña̱ va̱xi yóʼo:
Tá xa̱a̱ nátúʼun na̱ xíka xíʼin táʼan xíʼin teléfono, ¿ndáaña xíniñúʼu kiʼinna kuenta xíʼin?
8. Estudio ña̱ congregación
(30 min.) bt cap. 24 párr. 1-6