18-24 TÍ MAYO
ISAÍAS 62-64
Yaa 44 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Ta̱ i̱xava̱ʼa miíyó kúʼvi̱-inira xínira miíyó ña̱kán sánáʼa̱ra miíyó
(10 min.)
Ni xóʼvi̱yó xa̱ʼa̱ ña̱ nda̱kaxinyó ke̱ʼéyó, soo ni saá kúndáʼviva-ini Jehová xínira miíyó (Is 63:9; cl-S 253, 254 párrs. 7-9).
Tá xóʼvi̱yó xa̱ʼa̱ ña̱ ke̱ʼéyó iin ña̱ kini, kǒo sákútaʼaví Jehová tu̱ndóʼo nu̱úyó soo chíndeétáʼanvara xíʼinyó (w23.08 28, 29 párr. 8, 9).
Tá ná taxiyó sanáʼa̱ Jehová miíyó xa̱a̱yó kooyó na̱ ndáyáʼviní nu̱úra (Is 64:8; w13-S 15/9 20 párrs. 15-17).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Is 63:10. ¿Ndáaña sánáʼa̱ texto yóʼo miíyó xa̱ʼa̱ ña̱ kúee íyo ini Jehová (it-S “Misericordia” párr. 11).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Is 64:4-12 (th lección 12).
4. Kixáʼa natúʼun xíʼin na̱ yiví
(3 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Koto ndáaña kúú ña̱ kútóona sakúaʼana xa̱ʼa̱, ta kindo̱o xíʼinna ama kivi natúʼunkandó (lmd lección 1 punto 5).
5. Ndikó nu̱úna
(4 min.) TÁ KU̱A̱ʼÚN VEʼE TÁ VEʼE. Kuniñúʼu iin video ña̱ va̱xi nu̱ú kit de enseñanza, soo kǒo chika̱únña (lmd lección 9 punto 4).
6. Ná xa̱a̱na ndasakáʼnuna Ndióxi̱
(5 min.) lff 254 recuadro “¿Á xa̱a̱ íyo tu̱ʼvai̱ ña̱ kitai̱ xíʼin na̱ congregación ña̱ natúʼi̱n xa̱ʼa̱ Ndióxi̱?”. Ka̱ʼa̱n xíʼin na̱ sánáʼún á kúni̱na keena natúʼunna xa̱ʼa̱ Ndióxi̱ (lmd lección 12 punto 3).
Yaa 115
7. Ná koo tu̱ʼvayó tá ná kixi tu̱ndóʼo nu̱úyó
(15 min.) Ka̱ʼa̱n ta ná ka̱ʼa̱nna, ña̱ taxi iin ta̱ anciano. Tá íyo iin ña̱ kúni̱ na̱ ñúʼu Betel ka̱ʼa̱nna xa̱ʼa̱ xíʼinyó á na̱ anciano, ka̱ʼa̱n xa̱ʼa̱ña.
Nda̱a̱ ndáaka nu̱ú ndóoyó iin kama kuití kivi kuu iin tu̱ndóʼo (Ec 9:11). Sana ñuu nu̱ú íyoún kǒo kúun ndeé sa̱vi̱ á kǒo táanví soo ni saá xíniñúʼu koo tu̱ʼvaún (Pr 22:3). Koto ndáaña kivi keʼún.
Tá ndíka̱ún nu̱ú ñúʼu ku̱a̱ʼá na̱ yiví á nu̱ú xíka ku̱a̱ʼá na̱ yiví kiʼin kuenta ndáa míí kivi ku̱ʼún tá ná koo iin tu̱ndóʼo.
Tá ná kuu iin tu̱ndóʼo, tá kúú ña̱ ndeéní kuun sa̱vi̱, ña̱ ndeéní ta̱an á tá ná kuu inka tu̱ndóʼo ña̱ ndeéní ná koo tu̱ʼva mochila nu̱ú taán va̱ʼún ña̱ʼa ña̱ kuniñúʼúna. Ná koo tu̱ʼva ña̱ kuxundó tá ná ka̱ʼa̱nna xíʼinndó ña̱ ndasindó veʼendó. Ndakanixi̱ní ndáa ña̱ keʼún ta ndáa míí ku̱ʼún tá ná ka̱ʼa̱nna xíʼún ña̱ sandákoún veʼún, ta saátu ná koo tu̱ʼva número teléfono na̱ veʼún xíʼin na̱ migoún ndaʼún (g17.5-S 4).
Chikaa̱ VIDEO Ná koo tu̱ʼvayó tá ná kixi tu̱ndóʼo nu̱úyó. Tándi̱ʼi keʼé pregunta ña̱ va̱xi yóʼo:
Tá xa̱ʼa̱, ¿ndáaña xi̱ndakanixi̱ní na̱ hermano na̱ ni̱ya̱ʼa nu̱ú video xa̱ʼa̱ ña̱ koo tu̱ʼvana tá ná koo iin tu̱ndóʼo?
¿Ndáaña ke̱ʼéna ña̱ va̱ʼa koo tu̱ʼvana?
¿Ndáa ki̱ʼva chi̱ndeétáʼan Jehová xíʼinna xa̱ʼa̱ ña̱ xi̱niso̱ʼona ta ni̱xi̱yo tu̱ʼvana ni̱ya̱ʼana nu̱ú tu̱ndóʼo?
¿Ndáaña sa̱kúaʼa na̱ hermano yóʼo?
NDAKANIXI̱NÍ XA̱ʼA̱ ÑA̱YÓʼO: “¿Á ndáyáʼví ña̱ koo tu̱ʼvai̱ nu̱úi̱ ? ¿Á íxato̱ʼíi̱ ña̱ káʼa̱n Jehová xíʼi̱n ta xíniso̱ʼi̱ra?”.
KIVI KEʼÚN ÑA̱YÓʼO: Semana vitin tá ná kundikaa̱ún nu̱ú ñúʼu ku̱a̱ʼá na̱ yiví, kiʼin kuenta ndáa míí kivi kitaún tá ná kuu iin tu̱ndóʼo.
8. Estudio ña̱ congregación
(30 min.) lfb lección 86, nu̱ú kíxáʼa táʼví 13 xíʼin lección 87.
Ña̱ ka̱ʼa̱nna tá ná ndiʼi (3 min.) | xíʼin oración
a Koto recuadro ña̱ naní “¿Tiene todo lo necesario?”, ña̱ va̱xi nu̱ú ¡Despertad! núm. 5 ña̱ 2017, pág. 6.