25-31 TÍ MAYO

ÑA̱ NDÁYÁʼVINÍ KÁʼA̱N TU̱ʼUN NDIÓXI̱

1. Kúsi̱íní-iniyó ndásakáʼnuyó Jehová xíʼin na̱ ñuura

(10 min.)

Miíyó na̱ ndásakáʼnu Ndióxi̱ kúúmiíyó Biblia xíʼin ku̱a̱ʼání tutu ña̱ chíndeétáʼan xíʼinyó ña̱ kuyatinkayó nu̱úra (Is 65:13; w24.04 21 párr. 5).

Ti̱xin ñuu Jehová íyo na̱ hermano xíʼin ná hermana na̱ chíndeétáʼan xíʼinyó tá yáʼayó nu̱ú tu̱ndóʼo á tá ndíʼi̱ní-iniyó (Is 65:14-17; w24.04 22 párr. 9, 10).

Iinlá ti̱xin ñuu Jehová kúú nu̱ú va̱ʼaní kítáʼanyó (Is 65:25; w24.04 23 párr. 13).

Na̱ʼná na̱ hermano na̱ kúsi̱íní-ini xa̱ʼa̱ ña̱ ñúʼuna ti̱xin ñuu Ndióxi̱. 1. Kúsi̱íní-inina nátúʼunna ti̱xin salón. 2. Kúsi̱íní-ini na̱ hermano kéʼéna mantenimiento ña̱ salón. 3. Ini veʼeka̱a, iin ta̱ hermano ta̱ xa̱a̱ chée chíkaa̱ra ndee̱ xíʼin iin ta̱ hermano loʼo. Kándíka nama̱ íyo carta xíʼin tarjeta ña̱ ta̱xi na̱ hermano ndaʼa̱na. 4. Iin matrimonio ni̱xa̱a̱na xítona iin ñá hermana ñá ndíkaa̱ hospital. Ñá síʼira tíinñá ndaʼa̱ ñá hermana, ta miíra níʼira iin canasta ku̱i̱ʼi xíʼin iin tarjeta loʼo.

2. Ná ka̱ʼa̱nyó xa̱ʼa̱ ña̱ chindeétáʼan xíʼinyó

(10 min.)

Is 66:24. ¿Ndáa ki̱ʼva chíndeétáʼan versículo yóʼo xíʼinyó ña̱ kunda̱a̱-iniyó xíʼin tu̱ʼun ña̱ ni̱ka̱ʼa̱n ta̱ Jesús nu̱ú Marcos 9:47, 48 xa̱ʼa̱ ña̱ Gehena? (it-S “Gehena” párrs. 6, 7).

Ña̱ ndakuiún
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?

Ña̱ ndakuiún

3. Ña̱ kaʼviyó nu̱ú tu̱ʼun Ndióxi̱

(4 min.) Is 65:17-25 (th lección 10).

NÁ SANÁʼA̱ VIÍYÓ

4. Kixáʼa natúʼun xíʼin na̱ yiví

(3 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ndukú ki̱ʼva ña̱ ka̱ʼún xíʼinna ña̱ kúún testigo Jehová (lmd lección 5 punto 3).

5. Kixáʼa natúʼun xíʼin na̱ yiví

(2 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Kúni̱ na̱ yiví na̱ána xíʼún (lmd lección 4 punto 5).

6. Kixáʼa natúʼun xíʼin na̱ yiví

(3 min.) TÁ KU̱A̱ʼÚN VEʼE TÁ VEʼE. Kuniñúʼu tratado ña̱ va̱ʼa kixáʼún natúʼún xíʼin na̱ yiví (lmd lección 1 punto 4).

7. Ndakani xa̱ʼa̱ ña̱ kándíxaún

(3 min.) Escenificación. ijwbq-S artículo 87. Ña̱ naní: ¿Ndáana kúú na̱ anticristo? (th lección 17).

ÑA̱ KÉʼÉYÓ NA̱ TESTIGO JEHOVÁ

8. ¿Á kúni̱ún kachíñún ku̱a̱ʼáka tiempo nu̱ú Jehová?

(15 min.) Ka̱ʼa̱n ta ná ka̱ʼa̱nna.

Na̱ʼná ña̱ va̱xi nu̱ú video “¿Ndáaña íyo tu̱ʼvaún keʼún xa̱ʼa̱ ‘tu̱ʼun va̱ʼaʼ?”. 1. Ta̱ Tomohiro Nishimura ndíkaa̱ra káchíñura Betel. 2. Ñá Happiness Mabho káchíñuñá ti̱xin oficina ña̱ traducción. 3. Ta̱ Rayner xíʼin ñá Keziah Fernando chíndeéna iin ta̱ hermano ta̱ ndíkaa̱ Betel, ta miína kúú siervo ña̱ construcción. 4. Ta̱ George Telan káchíñura xíʼin inka na̱ hermano ti̱xin Departamento ña̱ Servicio ña̱ Betel. 5. Ñá Ramona Welsch sánáʼa̱ñá iin ñá loʼo xa̱ʼa̱ tu̱ʼun Ndióxi̱.

¿Á kúni̱ún kachíñún ku̱a̱ʼáka tiempo nu̱ú Jehová? ¿Á túviún ña̱ ku̱a̱ʼání ña̱ʼa sandákoún tá ná kachíñukaún nu̱ú Jehová? Á sana ndákanixi̱níún: “Tá ndiʼiyó ni̱ʼí ña̱ kutakuyó ndiʼi tiempo, ¿nda̱chun keʼíi̱ ku̱a̱ʼáka chiñu nu̱ú Jehová?”. Tá xa̱a̱ ndákanixi̱níún ña̱yóʼo, ndákaʼán chi ku̱a̱ʼání bendición táxi Jehová ndaʼa̱ na̱ ndáa-ini miíra (Sl 84:11, 12). Tá ndixa kúni̱ún si̱í koún chikaa̱ ndee̱ ña̱ ku̱a̱ʼáka chiñu keʼún nu̱ú Jehová.

Xíni̱vayó ña̱ taxi Jehová ña̱ va̱ʼa ndaʼa̱yó chí nu̱únínu, soo saátu kivi taxiraña ndaʼún tiempo vitin. Chikaa̱ VIDEO ¿Ndáaña íyo tu̱ʼvaún keʼún xa̱ʼa̱ “tu̱ʼun va̱ʼa”? Tándi̱ʼi keʼé pregunta ña̱ va̱xi yóʼo:

Na̱ va̱lí kúa̱an na̱ ni̱ya̱ʼa nu̱ú video nda̱kaxinna keʼéna ku̱a̱ʼáka chiñu nu̱ú Jehová, ¿ndáa ña̱ va̱ʼa ndákiʼinna xa̱ʼa̱ ña̱yóʼo?

Ña̱ ndakuiún

Soo, ¿ndáaña kúu tá kǒo kívi kachíñún ku̱a̱ʼá tiempo nu̱ú Jehová? Ni kǒo kívi keʼún ku̱a̱ʼáka chiñu nu̱ura, soo táxivara ku̱a̱ʼá ña̱ va̱ʼa ndaʼún xa̱ʼa̱ ña̱ chíkaa̱ún ndee̱ káchíñún nu̱úra. Kivi kandíxaún ña̱ sáxi̱nuva Jehová tu̱ʼun yóʼo: “Sakóyoi̱ ku̱a̱ʼání ña̱ va̱ʼa ndakiʼinndó nda̱a̱ ná kǒo kuma̱níka nda̱a̱ ni iin ña̱ʼa nu̱úndó” (Mal 3:10).

9. Estudio ña̱ congregación

(30 min.) lfb lección 88, 89.