20-26 TÍ JULIO
JEREMÍAS 18, 19
Yaa 44 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Kiviva ndikó tukuyó kooyó migo Jehová ni ke̱ʼéyó iin ña̱ kini
(10 min.)
Ni ku̱a̱ʼání ña̱ kini xi̱keʼé na̱ ñuu Judá, soo Jehová ni̱ka̱ʼa̱n-ndáʼvira xíʼinna ña̱ ná sandákoona keʼénaña (Jer 18:11; w25.04 4 párr. 10).
Xi̱kuni̱va Jehová ña̱ nasa̱mana, soo na̱yóʼo kǒo níxiinna nasa̱mana (Jer 18:12).
Tá ni̱ki̱ʼviyó ku̱a̱chi nu̱ú Jehová, kuchiñuvayó ndakooyó keʼéyóña (Jer 18:7, 8; w25.08 23 párr. 11).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Jer 19:5. ¿Ndáaña sánáʼa̱ versículo yóʼo miíyó xa̱ʼa̱ Jehová? (w19.04 15 párr. 8).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Jer 19:1-11 (th lección 5).
4. Kixáʼa natúʼun xíʼin na̱ yiví
(4 min.) TÁ KU̱A̱ʼÚN VEʼE TÁ VEʼE. Ka̱ʼa̱n xíʼin na̱ yiví ña̱ kúni̱ún kaʼviún xíʼinna, ta ka̱ʼa̱n xíʼinna ndáa ki̱ʼva sánáʼa̱yó na̱ yiví (lmd lección 4 punto 3).
5. Ndikó nu̱úna
(4 min.) TÁ KU̱A̱ʼÚN VEʼE TÁ VEʼE. Ka̱ʼa̱n tuku xa̱ʼa̱ tratado ña̱ sa̱ndákoún ndaʼa̱na tá ni̱xa̱ʼún nu̱úna (lmd lección 9 punto 3).
6. Ndakani xa̱ʼa̱ ña̱ kándíxaún
(4 min.) Discurso. w24.02 30 párr. 6-9. Ña̱ naní: ¿Á káʼa̱n Biblia xa̱ʼa̱ ña̱ kivi ndaka̱xin miíyó ña̱ keʼéyó? (th lección 20).
Yaa 38
7. ¿Ndáaña kivi keʼéyó ña̱ va̱ʼa vií ndakutáʼan tukuyó xíʼin Jehová?
(15 min.) Ka̱ʼa̱n ta ná ka̱ʼa̱nna.
Ku̱a̱ʼání na̱ ku̱xíká nu̱ú Jehová kúʼvi̱kava-inina xíninara, soo savana kǒo xíni̱na ndáaña keʼéna ña̱ va̱ʼa ndikó tukuna nu̱úra á túvina ña̱ kǒo kívika kachíñuna nu̱úra. Soo kiviva chindeétáʼan Jehová xíʼinna nda̱a̱ táki̱ʼva ke̱ʼéra xíʼin na̱ ñuura tá ya̱chi̱.
Na̱ ku̱xíká nu̱ú Jehová kǒo xíniñúʼu ndakanixi̱nína ña̱ ku̱a̱ʼání ña̱ʼa xíniñúʼu keʼéna nu̱ú Jehová ña̱ va̱ʼa ndikó tukuna nu̱úra. Saáchi siʼna loʼo tá loʼo xíniñúʼu kixáʼana kachíñuna nu̱úra. ¿Ndáa ki̱ʼva keʼéna ña̱yóʼo?
Xíniñúʼu ka̱ʼa̱nna xíʼin Jehová ña̱ chindeétáʼanra xíʼinna (1Pe 5:7). Káʼa̱nva Jehová ña̱ chindeétáʼanra xíʼinyó (Is 40:28, 29).
Loʼo tá loʼo kixáʼún kaʼviún Biblia. Kivi kaʼviún xa̱ʼa̱ ña̱ kúni̱ún kunda̱a̱-iniún xa̱ʼa̱, kivi kaʼviún Biblia á kuniso̱ʼúnña nu̱ú sitio jw.org. Nda̱a̱ táki̱ʼva chíndeétáʼan ña̱ xíxiyó xíʼinyó ña̱ ndakú kooyó, saátu ña̱ kaʼviyó Biblia chíndeétáʼanña xíʼinyó ña̱ viíka kutáʼanyó xíʼin Jehová (Sl 1:2, 3).
Chikaa̱ ndee̱ ña̱ ku̱ʼu̱n tukún reunión. Ti̱xin reunión kúú nu̱ú chikaa̱ Jehová ndee̱ xíʼún ta chindeétáʼanra xíʼún (Heb 10:24, 25).
Chikaa̱ VIDEO Na̱samai̱ ndiʼi ña̱ xi̱keʼíi̱. Tándi̱ʼi keʼé pregunta ña̱ va̱xi yóʼo:
¿Ndáaña sánáʼa̱ video yóʼo miíyó?
8. Estudio ña̱ congregación
(30 min.) lff lección 01.