27 TÍ JULIO NDA̱A̱ 2 TÍ AGOSTO
JEREMÍAS 20, 21
Yaa 73 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Ta̱ Jeremías kǒo níyi̱ʼvíra natúʼunra xa̱ʼa̱ Jehová
(10 min.)
I̱xandi̱va̱ʼana xíʼin ta̱ Jeremías xa̱ʼa̱ ña̱ na̱túʼunra xíʼinna ndáa ki̱ʼva ndatiin Jehová ku̱a̱chi xíʼinna (Jer 20:2, 8).
Nda̱kavaní-ini ta̱ Jeremías ta nda̱a̱ nda̱kanixi̱níra ña̱ kǒo natúʼunkara xa̱ʼa̱ Ndióxi̱ (Jer 20:9a).
Ta̱ Jeremías kǒo níyi̱ʼvíra natúʼunra xíʼin na̱ yiví chi mií Jehová chi̱ndeétáʼan xíʼinra, ta saátu xi̱kunda̱a̱-inira ña̱ ndáyáʼviní ña̱ ni̱ka̱ʼa̱n Jehová (Jer 20:9b, 11; w24.04 15 párr. 3).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Jer 20:12. ¿Ndáaña káʼa̱n versículo yóʼo xíʼinyó keʼéyó? (w22.03 4 párr. 9).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Jer 20:7-18 (th lección 2).
4. Kixáʼa natúʼun xíʼin na̱ yiví
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ndukú ki̱ʼva ña̱ ka̱ʼún xíʼinna ña̱ kúún testigo Jehová (lmd lección 2 punto 4).
5. Ndikó nu̱úna
(4 min.) TÁ KU̱A̱ʼÚN VEʼE TÁ VEʼE. Kuniñúʼu ña̱ va̱xi nu̱ú apéndice 1 ña̱ va̱xi nu̱ú folleto Kúʼvi̱-iniyó na̱ yiví (lmd lección 9 punto 3).
6. Ndakani xa̱ʼa̱ ña̱ kándíxaún
(4 min.) Escenificación. Iin na̱ va̱lí na̱ xáʼa̱n escuela sákuaʼa kúeena xíʼin na̱ yivána xa̱ʼa̱ iin tema ña̱ ka̱ʼa̱nna escuela. Kuniñúʼu ña̱ va̱xi nu̱ú ijwfq artículo 39 (th lección 13).
Yaa 57
7. Ná kundi̱ʼi̱-iniyó xa̱ʼa̱ na̱ yiví ta ná ka̱ʼa̱nyó xíʼinna xa̱ʼa̱ ña̱ kúni̱na kunda̱a̱-inina xa̱ʼa̱
(15 min.) Ka̱ʼa̱n ta ná ka̱ʼa̱nna.
Tá xa̱a̱ ku̱a̱ʼa̱nyó predicación siʼna ndákanixi̱níyó ndáa ña̱ʼa kúú ña̱ kútóo na̱ yiví kuniso̱ʼona xa̱ʼa̱ (lmd lección 1 punto 3). Soo, ¿ndáaña keʼéyó tá iin na̱ yiví inka ña̱ʼa kúni̱na kunda̱a̱-inina xa̱ʼa̱? Ná ndakaʼányó xa̱ʼa̱ ña̱ ke̱ʼé ta̱ Jesús, tá na̱túʼunra xíʼin iin ta̱ kúáa nu̱ú, siʼna va̱ʼa ni̱xi̱yo inira xíʼinra (Jn 9:1, 6, 7, 35-38). ¿Ndáaña sákuaʼayó xíʼin ña̱yóʼo? Tá kíʼin na̱ yiví kuenta ña̱ ndixa ndíʼi̱-iniyó xa̱ʼa̱na sana kuniso̱ʼovana miíyó. Ña̱kán, ña̱ va̱ʼa na̱ʼa̱yó ña̱ ndixa ndíʼi̱-iniyó xa̱ʼa̱ na̱ yiví, ná ki̱ʼinyó kuenta ndáa ki̱ʼva kúnina tá ku̱a̱ʼa̱nyó veʼe tá veʼe.
Kaʼvi 1 Corintios 9:20-23. Tándi̱ʼi keʼé pregunta ña̱ va̱xi yóʼo:
¿Ndáa ki̱ʼva ni̱na̱ʼa̱ ta̱ Pablo ña̱ xi̱ndiʼi̱-inira xa̱ʼa̱ na̱ yiví?
¿Nda̱chun chi̱kaa̱ní ta̱ Pablo ndee̱ ña̱ xa̱a̱ síín síín ña̱ʼa na̱túʼunra xa̱ʼa̱ xíʼin na̱ yiví?
Chikaa̱ VIDEO Kúni̱níyó natúʼunyó xa̱ʼa̱ Ndióxi̱. Xa̱a̱ íyo tu̱ʼvayó (iin táʼviña). Tándi̱ʼi keʼé pregunta ña̱ va̱xi yóʼo:
Ni xa̱a̱ ni̱xi̱yo ña̱ xi̱kuni̱ ta̱ hermano ka̱ʼa̱nra xa̱ʼa̱, ¿nda̱chun na̱samara ña̱ ni̱ka̱ʼa̱nra?
¿Nda̱chun ndáyáʼviní na̱ʼa̱yó nu̱ú na̱ yiví ña̱ ndíʼi̱-iniyó xa̱ʼa̱na?
8. Estudio ña̱ congregación
(30 min.) lff lección 02.