¿Ndáaña kivi keʼún ña̱ va̱ʼa ndakú koo iniún ni íyo ña̱ sándi̱ʼi̱-iniún?

Kaʼvi Jeremías 38:​1-13 ña̱ va̱ʼa sakúaʼún xa̱ʼa̱ ña̱ ndakúní ni̱xi̱yo ini ta̱ profeta Jeremías xíʼin ta̱ eunuco Ébed-Mélec.

Nandukúka ña̱ káʼa̱n xa̱ʼa̱ ña̱yóʼo. ¿Ndáa ki̱ʼva ni̱na̱ʼa̱ ta̱ Jeremías ña̱ ndakú íyo inira tá ni̱ka̱ʼa̱nra xa̱ʼa̱ ña̱ kúni̱ Jehová ná kunda̱a̱-ini na̱ yiví? (Jer. 27:​12-14; 28:​15-17; 37:​6-10). ¿Ndáaña ke̱ʼé na̱ yiví na̱ xi̱niso̱ʼo ña̱ ni̱ka̱ʼa̱nra? (Jer. 37:​15, 16).

Nandukú xa̱ʼa̱ sava ña̱ kúni̱ún kunda̱a̱ka-iniún xa̱ʼa̱. ¿Ndáaña sa̱ndíʼi̱ní-ini ta̱ Jeremías? (jr-S 26, 27 párr. 20-22). Nandukúka ña̱ káʼa̱nka xa̱ʼa̱ cisterna ña̱ ni̱xi̱yo tiempo xi̱naʼá, ña̱ káʼa̱n Biblia xa̱ʼa̱ (it-1-S 489). ¿Ndáaña ndo̱ʼo ta̱ Jeremías tá xi̱ndikaa̱ra ini cisterna ta ki̱xáʼa sáʼvira ti̱xin nda̱ʼyi̱? ¿Ndáa ña̱ʼa kúú ña̱ sana xi̱yiʼví ta̱ Ébed-Mélec nu̱ú? (w12-S 1/5 31 párr. 2, 3).

Ndakanixi̱ní ndáaña kivi sakúaʼún xíʼin ña̱yóʼo. Ndakanixi̱ní xa̱ʼa̱ ña̱yóʼo:

• “¿Ndáaña sánáʼa̱ ña̱yóʼo yi̱ʼi̱ xa̱ʼa̱ ki̱ʼva ña̱ ndáa Jehová na̱ ndásakáʼnu miíra?” (Sal. 97:10; Jer. 39:​15-18).

• “¿Ama kúú ña̱ xíniñúʼu ndakú koo inii̱?”.

• “¿Ndáaña kivi keʼíi̱ ña̱ va̱ʼa ndakúka koo inii̱ ta chikaa̱-inii̱ keʼíi̱ ña̱ va̱ʼa ni íyo ña̱ sándi̱ʼi̱-inii̱?” (w11-S 1/3 30).a