“Sa̱kúaʼara ña̱ viíní kandíxara”

Ndiʼi tiempo xi̱kandíxa ta̱ Jesús ña̱ xi̱kaʼa̱n Jehová (Juan 8:29). Tá saá, ¿nda̱chun káʼa̱n Biblia ña̱ “sa̱kúaʼara ña̱ viíní kandíxara xa̱ʼa̱ ndiʼi ña̱ʼa ña̱ ni̱xo̱ʼvi̱ra”? (Heb. 5:8).

Tá ni̱xi̱yo ta̱ Jesús nu̱ú ñúʼu ni̱ya̱ʼara nu̱ú tu̱ndóʼo ña̱ kǒo níndoʼora chí ndiví. Tá kúú xi̱kandíxara ña̱ xi̱kaʼa̱n na̱ yivára ni xi̱kuʼvi̱-ini na̱yóʼo xi̱xinina Jehová xi̱kuuna na̱ yiví ku̱a̱chi (Luc. 2:51). Ni̱xo̱ʼvi̱níra i̱xaa na̱ su̱tu̱ xíʼin na̱ chíñu (Mat. 26:59; Mar. 15:15). Nda̱a̱ ka̱ndíxara kuvira ni ni̱xo̱ʼvi̱níra (Filip. 2:8).

Ña̱ ni̱xo̱ʼvi̱ ta̱ Jesús kǒo níndoʼoraña chí ndi̱ví, ña̱kán xi̱niñúʼu sakúaʼa tukura kuniso̱ʼora. Ña̱kán va̱ʼa ni̱xa̱a̱ra ndu̱ura Rey xíʼin Su̱tu̱ Káʼnu saáchi va̱ʼaní kúnda̱a̱-inira xíʼin ña̱ ndóʼoyó (Heb. 4:15; 5:9). Xa̱ʼa̱ ña̱ va̱ʼaní xi̱niso̱ʼora Ndióxi̱ ni ni̱xo̱ʼvi̱ra, vitin ndáyáʼviníkara nu̱ú Jehová ta va̱ʼaní xíniñúʼurara. Saátu kivi ndakanixi̱ní Jehová xa̱ʼa̱ miíyó tá kándíxayó ña̱ káʼa̱nra ni yáʼayó nu̱ú tu̱ndóʼo (Sant. 1:4).