Ná va̱ása yi̱ʼvíyó ta nda̱kú ná koo iniyó nda̱a̱ táki̱ʼva ke̱ʼé ta̱ Benaya

Ta̱ Benaya ndakúní ni̱xi̱yo inira ta xi̱kachíñura nu̱ú ta̱ rey David ta saátu nu̱ú ta̱ Salomón. Se̱ʼe iin ta̱ su̱tu̱ ni̱xi̱yora, na̱ su̱tu̱ xíʼin na̱ levita va̱ása níxi̱xaʼa̱nna nu̱ú ku̱a̱chi ña̱ xi̱kaʼa̱n Jehová ku̱ʼu̱nna. Soo ta̱ Benaya ke̱ʼévara ña̱yóʼo ta ndakúní ni̱xi̱yo inira. Tá kúú, xa̱ʼníra iin león ta saátu xa̱ʼníra iin ta̱ soldado ta̱ káʼnuní. Ta̱ David va̱ʼaní xi̱ndaa-inira ta̱ Benaya ta ta̱xira iin chiñu ña̱ ndáyáʼviní ndaʼa̱ra (2 Sam. 23:20-23).

Ta̱ Absalón xíʼin ta̱ Adonías ndu̱una contra xíʼin ta̱ David soo ta̱ Benaya nda̱kú ni̱xi̱yo inira xíʼin ta̱ David (2 Sam. 8:18; 15:18; 1 Rey. 1:8). Tá ku̱chée ta̱ David, ta̱ Benaya chi̱ndeétáʼanra xíʼinra ña̱ va̱ʼa xa̱a̱ ta̱ Salomón nduura rey (1 Rey. 1:32-40). Nda̱kú ni̱xi̱yo inira xíʼin Jehová ta saátu xíʼin na̱ rey na̱ nda̱kaxinra ni inkana kǒo níkeʼéna táʼan ña̱ ke̱ʼé ta̱yóʼo.

Saátu miíyó xíniñúʼu ndakú koo iniyó ña̱ va̱ʼa kuchiñuyó nu̱ú ta̱ Ndi̱va̱ʼa ta saátu nu̱ú na̱ sáa̱-ini xíni miíyó. Ná chikaa̱yó ndee̱ ña̱ keʼéyó ña̱ kútóo Jehová (Efes. 6:11; 1 Ped. 5:8, 9). Ni inkana sándakoona Jehová soo miíyó nda̱kúva koo iniyó xíʼinra ta kándíxayó ña̱ taxira ña̱ va̱ʼa ndaʼa̱yó chí nu̱únínu (2 Sam. 22:26).