Ndáa ki̱ʼva kunda̱a̱-iniyó xíʼin ilustración ña̱ va̱xi nu̱ú Biblia

Biblia káʼa̱nña xa̱ʼa̱ ku̱a̱ʼání ilustración. Ku̱a̱ʼání na̱ yiví na̱ káʼvi Biblia íxayo̱ʼvi̱ña xíʼinna kunda̱a̱-inina xíʼin ña̱yóʼo (Mat. 13:13). Ná ka̱ʼa̱nyó xa̱ʼa̱ u̱ni̱ ña̱ kivi chindeétáʼan xíʼinyó ña̱ kunda̱a̱-iniyó xíʼinña:

• Koto ndáaña káʼa̱nña xa̱ʼa̱ ta ndáa ilustración xíniñúʼuña. Tá kúú Apocalipsis 3:3 káʼa̱nña xa̱ʼa̱ ña̱ kixi ta̱ Jesús ta ña̱yóʼo chítáʼanñaña xíʼin ki̱ʼva ña̱ kéʼé iin ta̱ kui̱ʼná.

• Ndakanixi̱ní ndáa ki̱ʼva kítáʼan ña̱ káʼa̱nña xa̱ʼa̱ xíʼin ilustración ña̱ xíniñúʼuña. Ndakanixi̱ní nda̱chun va̱ʼaní kítáʼan ilustración ña̱ chítáʼanña xíʼin ña̱ káʼa̱nña xa̱ʼa̱.

• Kiʼin kuenta ña̱ ná kunda̱a̱ va̱ʼa iniún xíʼinña. Sava yichi̱ síín kunda̱a̱-iniyó xíʼin ilustración. Ejemplo ña̱ ni̱ka̱ʼa̱nyó xa̱ʼa̱ ta̱ Jesús va̱ása kúni̱ kachiña ña̱ kixira ixakuíʼnára. Saáchi ña̱ káʼa̱nña xa̱ʼa̱ kúú ña̱ iin kama kixira nda̱a̱ táki̱ʼva kéʼé iin ta̱ kui̱ʼná.