Siʼna chiñu Ndióxi̱ ná kundi̱ʼi-iniyó xa̱ʼa̱ nda̱a̱ táki̱ʼva ke̱ʼé ta̱ Manaén

Tá siglo nu̱ú, iin ta̱ xi̱niʼi yichi̱ nu̱ú na̱ congregación chí ñuu Antioquía xi̱kuu ta̱ Manaén. Hechos 13:1 káʼa̱nña xa̱ʼa̱ra ña̱ ka̱ʼvira “xíʼin ta̱ Herodes ta̱ xi̱xaʼndachíñu nu̱ú ku̱a̱ʼání ñuu”. Ña̱yóʼo náʼa̱ña nu̱úyó ta̱ Manaén ka̱ʼvi va̱ʼara ta sana na̱ veʼera ku̱a̱ʼání ña̱ʼa xi̱kuumiína.

Ni xi̱kuumií ta̱ Manaén ndiʼi ña̱yóʼo ni̱xa̱a̱ra ndu̱ura cristiano ta ke̱ʼéra ku̱a̱ʼání chiñu ti̱xin congregación. Ni ka̱ʼvi va̱ʼara á ni xi̱xini̱ra ku̱a̱ʼá na̱ yiví na̱ xi̱ndayáʼviní tiempo saá, va̱ása níka̱ʼa̱nra xa̱ʼa̱ ña̱yóʼo xíʼin na̱ hermano ña̱ va̱ʼa kuumiíra ku̱a̱ʼáka chiñu. Chi ña̱ ke̱ʼéra kúú ña̱ chi̱ndeétáʼanra xíʼinna.

Ña̱ ke̱ʼé ta̱ Manaén sánáʼa̱ña miíyó ña̱ kachíñuyó nu̱ú Jehová kúú ña̱ ndáyáʼviníka nu̱úka ña̱ kuumiíyó ku̱a̱ʼá ña̱ʼa ñuyǐví yóʼo á ña̱ kuumiíyó ku̱a̱ʼáka xu̱ʼún. Ndáyáʼviva ña̱ kaʼviyó soo ña̱ ndáyáʼvika nu̱úyó kúú ña̱ ndíʼi̱-iniyó xa̱ʼa̱ chiñu Ndióxi̱ ta kǒo táxiyó ña̱ ná kasi nda̱a̱ ni iin ña̱ʼa nu̱úyó ña̱ keʼéyó ña̱yóʼo (Filip. 1:9, 10). Nda̱a̱ táki̱ʼva ke̱ʼé Manaén, siʼnaka chiñu Jehová ndíʼi̱-iniyó xa̱ʼa̱ (Mat. 6:33).