¿Ndáa ki̱ʼva taváyó comentario ña̱ chikaa̱ ndee̱ xíʼin inkana?

Ti̱xin reunión kivi chikaa̱yó ndee̱ xíʼin na̱ hermano tá táxiyó comentario (Heb. 10:24, 25). ¿Ndáaña kivi keʼéyó ña̱ va̱ʼa chikaa̱ ña̱yóʼo ndee̱ xíʼin na̱ hermano?

• Ná ka̱ʼa̱nyó xíʼin Jehová. Ná ka̱ʼa̱nyó xíʼinra ná chindeétáʼanra xíʼinyó ña̱ vií koo comentarioyó ña̱ va̱ʼa ndasakáʼnuyóra ta saátu chikaa̱yó ndee̱ xíʼin inkana (Sal. 35:18).

• Tá xa̱a̱ táxiyó comentario ná va̱ása kaʼvi kuitíyó ña̱ káʼa̱n párrafo. Tá xíʼin tu̱ʼun miíyó káʼa̱nyó xa̱ʼa̱ ña̱ kándíxayó Ndióxi̱, ña̱yóʼo va̱ʼaní chindeétáʼanña xíʼin na̱ xíniso̱ʼo ña̱ káʼa̱nyó.

• Loʼo ná koo ña̱ ka̱ʼa̱nyó. Tá vií íyo ña̱ káʼa̱nyó ta loʼo tiempo káʼa̱nyó, va̱ʼaníka chikaa̱ña ndee̱ xíʼin inkana tasaá kivi taxiyó ña̱ inkana ná taxi comentario (Prov. 10:19).

• Ná kǒo ka̱ʼa̱nyó ña̱ va̱ása va̱ʼa. Tá táxiyó comentario ná kǒo na̱ʼa̱ña ña̱ táxiyó consejo á ña̱ káʼa̱n ndaayó xa̱ʼa̱ iin na̱ hermano.

Ni sava yichi̱ kǒo kívi taxiyó comentario soo kiviva chikaa̱yó ndee̱ xíʼin inkana. ¿Ndáa ki̱ʼva keʼéyó ña̱yóʼo? Vií ná kuniso̱ʼoyó ña̱ káʼa̱nna ta tándi̱ʼi ná ka̱ʼa̱nyó xíʼinna ndáaña ni̱ka̱ʼa̱nna kúú ña̱ ku̱tóoyó (Prov. 10:21).