¿Ndáa míí íyo Ndióxi̱?

Ña̱ káʼa̱n Biblia xa̱ʼa̱ ña̱yóʼo

Ndióxi̱ íyora chí ndiví. Koto ña̱ káʼa̱n sava texto ña̱ va̱xi nu̱ú Biblia:

Iin yichi̱ ta̱ rey Salomón ni̱ka̱ʼa̱nra xíʼin Ndióxi̱: “Kuniso̱ʼúnna nda̱a̱ chí ndiví nu̱ú íyoún” (1 Reyes 8:43).

Ta̱ Jesús sa̱náʼa̱ra na̱ discípulora ña̱ ka̱ʼa̱nna xíʼin Ndióxi̱, ta ña̱yóʼo ni̱ka̱ʼa̱nra xíʼin yivára: “Yivándi̱ ta̱ íyo chí ndiví” (Mateo 6:9).

Tá xa̱a̱ ndi̱ʼi nda̱taku ta̱ Jesús “ni̱ki̱ʼvira chí ndiví ta vitin íyora nu̱ú Ndióxi̱” (Hebreos 9:24).

Savana káʼa̱nna ña̱ ndiʼi lugar íyo Ndióxi̱, soo texto yóʼo sánáʼa̱ña miíyó ña̱ chí ndivíva íyo Jehová Ndióxi̱.