¿Á kúúmií na̱ testigo Jehová iin lista película, yaa xíʼin libro ña̱ va̱ása xíniñúʼu keʼéna?

Va̱ása. Na̱ ñuu Ndióxi̱ va̱ása ndáka̱xinna película, yaa ni libro ña̱ va̱ása xíniñúʼu kuniñúʼundi̱. ¿Nda̱chun?

Biblia káʼa̱nña xíʼinyó ña̱ kiʼinyó kuenta ndáaña kúú ña̱ va̱ʼa ta ndáaña kúú ña̱ va̱ása va̱ʼa (Hebreos 5:14).

Nu̱ú Biblia va̱xi texto ña̱ chíndeétáʼan xíʼinyó ndáaña kivi kotoyó á kusíkíyó.a Ni nda̱a̱ ndáaka ña̱ kéʼéyó ndiʼi yichi̱ kúni̱yó keʼéyó ña̱ káʼa̱n Efesios 5:10, ña̱ káchi: “Kiʼin va̱ʼandó kuenta á ña̱ kútóo Ndióxi̱ kúú ña̱ kéʼéndó á va̱ása”.

Ndióxi̱ ta̱xira chiñu ndaʼa̱ na̱ níʼi yichi̱ nu̱ú na̱ veʼena, na̱yóʼo kúú na̱ kivi ka̱ʼa̱n xíʼin na̱ veʼena ndáaña kivi keʼéna ta ndáaña va̱ása kivi keʼéna (1 Corintios 11:3; Efesios 6:1-4). Soo ti̱xin congregación nda̱a̱ ni iinna va̱ása kivi ka̱ʼa̱n ndáa película kúú ña̱ va̱ása va̱ʼa koto inkana, yaa á ña̱ va̱ása kivi ku̱ʼu̱nna kotona na̱ yiví na̱ káʼa̱nnína xa̱ʼa̱ (Gálatas 6:5).