¿Ndáaña kivi keʼéyó ña̱ kundiku̱nyó ta̱ Jesús?

9:62

Iin ta̱ táʼví va̱ása kívi ndikóra kotora chí sa̱tá chi ti̱ví chi̱chira. Saátu miíyó na̱ ndásakáʼnu Ndióxi̱, va̱ása xíniñúʼu ndikóyó keʼéyó ña̱ xi̱keʼéyó tá ya̱chi̱ ña̱ íyo ti̱xin ñuyǐví yóʼo (Flp 3:13).

Tá yáʼayó nu̱ú tu̱ndóʼo, sana ndakaʼányó xa̱ʼa ndáa ki̱ʼva xi̱takuyó tá ya̱chi̱, á ndakaʼántuyó ña̱ xi̱keʼéyó tá kúma̱ní sakuaʼayó xa̱ʼa Jehová. Tá ndákaʼánníyó xa̱ʼa ña̱ va̱ʼaní xi̱takuyó tá ya̱chi̱, ta nándósóyó xa̱ʼa tu̱ndóʼo ña̱ ni̱xi̱yo nu̱úyó. Ña̱kán kúú ña̱ ndo̱ʼo na̱ ñuu Israel tá ke̱ena ñuu Egipto (Nú 11:5, 6). Tá ndákaniníxi̱níyó xa̱ʼa ndáa ki̱ʼva xi̱takuyó tá ya̱chi̱, kuchiñu ndikó tukuyó keʼéyóña. Ta va̱ʼaka̱ni kúúña ndakanixi̱níyó xa̱ʼa ña̱ va̱ʼa ndákiʼinyó vitin ta saátu ña̱ ndakiʼinyó ti̱xin Reino Ndióxi̱ (2Co 4:16-18).